ئەندام پەرلەمانێک باس لە سودەکانی هاتنە ناوەوەی ئۆتۆمبێلی لێدراوی ئەمریکی دەکات

SNN

نەدا شاکر جەودەت، ئەندامی لیژنەی ئابووری و وەبەرهێنان لە ئەنجوومەنی نوێنەرانی عێراق باس لە سودی هاتنە ناوەوەی ئۆتۆمبێلی دەعمکراو یاخود لێدراوی ئەمریکی دەکات، لە ژێر ئەو مەرجانە کە حکومەتی عێراقی دایدەنێت بۆیان.

جەودەت دەڵێت: هاتنە ناوەوەی ئۆتۆمبێلی لێدراو بۆ ناو خاکی عێراق، هەلی کاری زۆر باش بۆ گەنجانی عێراق دەرەخسێنێت چونکە ئەو ئۆتۆمبێلانە بەپێی بڕیاری وەزارەتی ناوخۆ دەبێت لەنێو خاکی عێراقدا چاکبکرێتەوە، هەروەها دەبێتە هۆی پاراستنی دراوی قورسی وڵاتەکە، چونکە پارە لە عێراقەوە ناچێتە وڵاتانی دراوسێ تا ئەو ئۆتۆمبێلانەی تێدا چاکبکرێت، لەگەڵ ئەوەشدا پیشەی سەربەخۆ لە عێراقدا زیاتر دەبێت و گەشەی زیاتریش بەخۆیەوە دەبینێت، لەگەڵ شارەزای گەنجانی عێراق لە بواری ئۆتۆمبێلدا.

بەڕێوەبەرایەتی دەروازە سنووریەکانی عێراق و ئەنجوومەنی وەزیران 22 شوبات بڕیاریاندا بەهێنانە ناوەوەی ئۆتۆمبێلی لێدراوی ئەمریکی بۆ نێو خاکی عێراق، بەمەرجێک مۆدێلی لە 2018 بەرەو سەرەوەبێت و لە نێو خاکی عێراقیشدا زیانەکانی ئۆتۆمبێلەکە چاکبکرێتەوە.