ئەو خێزانە کوردەی لە تورکيا هێرشکرايە سەريان گەڕانەوە هەرێم
SNN
ئەو خێزانە کوردەی لە تورکیا لەلایەن چەند کەسێکەوە هێرشکرایە سەریان گەڕانەوە هەولێر و بڕیارە پێشنیوەڕۆی ئەمڕۆ لەلایەن پارێزگاری هەولێرەوە پێشوازیان لێبکرێت.
رۆژی 13ی ئەم مانگە خێزانێكی كوردی دانیشتووی هەولێر لەلایەن چەند کەسێکەوە لە شارۆچکەیەکی سەر بە مێرسین هێرشیان کرایەسەر و بەرەبەیانی ئەمڕۆ دووشەممە گەڕانەوە هەرێمی کوردستان.
بەپێی زانيارييەکان، ئەو خێزانە کاتژمێر 2ی شەوی رابردوو لە رێگەی دەروازەی نێودەوڵەتیی ئیبراهیم خەلیل گەڕاونەتەوە هەرێمی کوردستان و تەندروستیيان باشە.
بڕیارە ئەمڕۆ دووشەممە لە دیوانی پارێزگای هەولێر لەلایەن ئومێد خۆشناو، پارێزگاری هەولێرەوە پێشوازیی لەو خێزانە کوردە بکرێت.
