وردەکاریی بومەلەرزەکەی سلێمانی راگەیەنرا

SNN

بەڕێوەبەرایەتی گشتی کەشناسی و بومەلەرزەزانی هەرێمی کوردستان رایدەگەیەنێت: شەوی شەممە لەسەر یەکشەممە بومەلەرزەیەک شاری سلێمانی و دەورووبەری هەژاندووە.

ئەو فەرمانگەیە لەراگەیەنراوێکیدا دەڵێت: “بومەلەرزەکە لەکاتژمێر 03:05 خولەکی بەرەبەیانی ئەمڕۆ 17ی ئایار روویداوە و گوڕەکەی 3.7 پلە بووە بەپێوەری رێختەر”.

هەر بەپێی راگەیەنراوەکەی بەڕێوەبەرایەتی گشتی کەشناسی و بومەلەرزەزانی هەرێمی کوردستان، بومەلەرزەکە بەقووڵایی 14 کم بووە لە دووری 24 کم لە چەمچەماڵ و 32 کم لەپارێزگای سلێمانی روویداوە.