بەرشەلۆنە و یۆڤانتۆس رێککەوتن

SNN Sport

بە پێی زانیاری رۆژنامەی سپۆرتی ئیسپانی، یانەکانی بەرشەلۆنە و یۆڤانتۆس رێککەوتنی سەرەتاییان کردووە لە نێوان سیمیدۆ و پیانیچ و دی چیلۆ.

رۆژنامەکە ئاشکرای دەکات، رێککەوتنەکە بە شێوەیەک کراوە یانەی یۆڤانتۆس 25 ملیۆن یۆرۆ لەگەڵ دیچیلۆ و پیانیچ بە یانەی بەرشەلۆنە دەدات لە پێناو بە دەستهێنانی سیمیدۆی بەرگریکاری لای راستی یانەی بەرشەلۆنە.

سیمیدۆ بڕیاریداوە یانەی بەرشەلۆنە جێبهێڵێت و چەند یانەیەکیش لە ئێستادا هەوڵی گواستنەوەی دەدەن،بەڵام بەرشەلۆنە دەیەوێت گۆڕانکاری لەگەڵ ئەم 2 یاریزانەی یانەی یۆڤانتۆس پێبکات و رۆژنامەنووسەکانی ئیسپانیاش بە گۆڕینەوەیەکی سەرکەوتووی یانەی بەرشەلۆنەی دەزانن.

سیمیدۆ ئەم وەرزە وەکو یاریزانی سەرەکی مامەڵەی لەگەڵ نەکراوە، ئەوەش وای لەو یاریزانە کردووە بیر لە چوون لە یانە کەتەلۆنیەکە بکاتەوە.