بڵاوبوونهوهى مار له كهناراوهكانى دوكان و زێى بچوك مهترسى دروستكردووه
وێنهى مارێك له كهناراوهكانى زێى بچوك | فۆتۆ: محهمهد مستهفا / SNN
SNN – محەمەد مستەفا
ماوەی هەفتەیەکە رێژەیەکی زۆری مار لە قەراغی دەریاچەی دووکان و زێی بچوک بڵاوبوونەتەوە و پۆلیسی ژینگەی ڕاپەڕین-یش، “داوا لە هاووڵاتیان دەکات خۆیان بپارێزن له نزیكبوونهوه لهو كهناراوانه”.
رائید بێستون عەزیز، وتەبێژی پۆلیسی دارستان و ژینگەی ڕاپەڕین بە (SNN)ی راگەیاند: “هۆکاری زۆربوونی مار لە قەراغەکانی دەریاچەی دوکان و زێی بچوک دەگەڕێتەوە بۆ بەرزبوونەوەی ئاستی ئاوی دەریاچەکە و زێی بچوک، بەجۆرێک ئاوەکە چووەتە ناو لانەی مارەکان و ئەوانیش لە دەوری قەراغی ئاوەکان بڵاوبوونەتەوە، ئەم حاڵەتەش لە چەند ساڵی پێشووتردا بوونی هەبووە”.
وتیشی: “تا ئێستا هیچ حاڵەتێکی گیان لە دەستدان بەهۆی پێوەدان و بڵاووبوونەوەی ئەو مارانە تۆمار نەکراوە، بەڵام پێویستە هاووڵاتیان بۆ پاراستی گیانی خۆیان لەو مارانە لە قەراغی ئاوی دەریاچەی دوکان و زێی بچوک نزیک نەبنەوە”.
وتەبێژی پۆلیسی دارستان و ژینگەی ڕاپەڕین لهبارهى رێكارهكانیان بهرامبهر ئهو مارانه بۆ پاراستنى هاووڵاتیان ئهوهشى خستهڕوو: “ئێمه وەک پۆلیسی ژینگە لەگەڵ کوشتن و لەناوبردنی ئەو مارانەدا نین، چونکە دەبێتە هۆی شێواندنی ژینگە، ئەوەی پێویستە ئەوەیە کە هاووڵاتیان خۆیان بە درووبگرن لە سەردانی کردنی ئەو ناوچانەی کە ئەو مارانەی تێدا بڵاوبوونهتەوە”.
