ئەمڕۆ بەرهەم ساڵح و عەلی باپير کۆبوونەوە

SNN

ئەمڕۆ یەکشەممە، بەرھەم ساڵح سەرۆککۆماری عێراق، لە شاری سلێمانی پێشوازیکرد لە عەلی باپیر سەرۆکی کۆمەڵی دادگەریی کوردستان و لەبارەی دواین گۆڕانکارییە سیاسی و ئەمنی و ئابوورییەکانی عێراق و کوردستان گفتوگۆیانکرد.

لە دیدارەکەدا بەگرنگییەوە جەختکرایەوە لەپێویستی گفتوگۆ و دیالۆگی جدی لە نێوان سەرجەم لایەنە سیاسییەکانی عێراق و کوردستان و کۆتایی ھێنان بە کێشە و قەیرانەکان و ھێنانەدی ئارامی و خۆشگوزەرانی بۆ گشت ھاووڵاتیانی عێراق و کوردستان.

ھەر لە دیدارەکەدا بەگرنگییەوە باس لە چارەسەرکردنی کێشە ھەڵپەسێردراوەکانی نێوان حکومەتی ھەرێمی کوردستان و حکومەتی فیدراڵ کرا، بەتایبەتی پرسی مووچەی مووچەخۆران و بژێوی ژیانی ھاووڵاتیان و پاراستنی مافی ھاووڵاتیانی عێراق و ھەرێمی کوردستان لە سەر بنەمای دەستوور و یاسا.