کازمی: هەموو خێزانێکی عێراقی مافی ئەوەی هەیە ببێتە خاوەنی خانووی شایستەی خۆی

مستەفا کازمی
SNN
مستەفا کازمی، سەرۆکوەزیرانی عێراق رایگەیاند: “پلانمان داناوە بۆ دابەشکردنی زەوی و بۆ ئەمەش بڕیاری دروستکردنی 17 کۆمەڵگەی نیشتەجێبوون و دابەشکردنی 550 هەزار پارچە زەوی دراوە”.
نووسینگەی راگەیاندنی سەرۆکوەزیرانی عێراق بڵاویکردەوە، مستەفا کازمی لە میانی کۆبوونەوەی ئەنجوومەنی وەزیرانی عێراق رایگەیاند “هەموو خێزانێکی عێراقی مافی ئەوەی هەیە ببێتە خاوەنی خانووی شایستەی خۆی، کە شکۆیان بپارێزێت و ژیانێکی باشیان هەبێت”.
کازمی ئاشکرای کرد کە لەگەڵ تیمی تەکنێکی تایبەت بە دابەشکردنی زەوی بەسەر هاووڵاتییاندا کۆبووەتەوە و لە داهاتوویەکی نزیکدا پرۆسەی دابەشکردنی زەوی و یەکەی نیشتەجێبوون بەشێوەیەکی شەفاف و دادپەرەوەرانە دەست پێدەکات و بەپێی خاڵبەندی زەوی بەسەر هاووڵاتییانی شایستەدا دابەش دەکەن.
سەرۆکوەزیرانی عێراق گوتیشی: “پلانمان داناوە بۆ دابەشکردنی 550 هەزار پارچە زەوی نیشتەجێبوون، حکوومەت رێککارەکانی دروستکردنی 17 کۆمەڵگەی نیشتەجێبوونی لە سەرجەم پارێزگاکان جگە لە هەرێمی کوردستان تەواو کردووە، هەشت کۆمەڵگەیان لەڕووی تەکنیکییەوە تەواوکراون و ئامادەن بۆ دابەشکردن”.
مستەفا کازمی راشیگەیاند، لایەنە پەیوەندارەکانی راسپاردووە هەوڵەکانیان چڕ بکەنەوە بۆ دەستەبەرکردنی زۆرترین ژمارەی زەوی نیشتەجێبوون بۆ سەرجەم چینەکانی کۆمەڵگا لە عێراق.
سەرۆکوەزیرانی عێراق لە قسەکانیدا کە لە میانی کۆبوونەوەی ئەنجوومەنی وەزیراندا پێشکەشی کرد، جەختی لەوەشکردەوە کە سەرجەم ئەو کەسانەی کە خاوەنی یەکەی نیشتەجێبوون نین و پێشتر لە وەرگرتنی زەویدا سوودمەندنەبوون، زەوییان پێدەدرێت و ئەمەش مافی خۆیانە.
مستەفا کازمی وتیشی: “خانەوادەی شەهیدە سەربەرزەکانمان لە پێشینەدان، چینی هەژار و مامناوەندیش سوودمەند دەبن لە پێدانی زەوی”.
سەرۆکوەزیرانی عێراق راشیگەیاند، هاوتەریب لەگەڵ دەستپێشخەری دابەشکردنی زەوی بەمەبەستی دروستکردنی یەکەی نیشتەجێبوون، پلانیان هەیە بۆ پێدانی قەرز تاوەکو یارمەتیدەر بێت بۆ دروستکردنی یەکەی نیشتەجێبووون، ئەمەش ئابووریی ناوخۆ دەبوژێنێتەوە و هەلی کار بۆ گەنجان دەڕەخسێنێت.
ساڵح موسلیم “بەشداریی کۆنگرەی دیالۆگی سوریا ناکەین و پابەندی ئەنجامەکانی نابین”
16كاتژمێر لهمهوپێش“ئیسرائیل هێرش دەکاتە سەر دامەزراوە ئەتۆمییەکانی ئێران”
شوبات 13, 2025
هەواڵی زیاتر
-
لەشكركێشییەكانی توركیا مەترسی چۆڵكردنی نزیکەی 600 گوندی زیاتر كردووە
10كاتژمێر لهمهوپێش -
بافڵ جەلال تاڵەبانی لەگەڵ وەزیری دەوڵەتی ئەڵمانیا بۆ کاروباری دەرەوە کۆبووەوە
16كاتژمێر لهمهوپێش -
ساڵح موسلیم “بەشداریی کۆنگرەی دیالۆگی سوریا ناکەین و پابەندی ئەنجامەکانی نابین”
16كاتژمێر لهمهوپێش
دەربارەی ئێمە
ئەرکمان پێدانی هەواڵی ڕاست و دروستە دەربارەی هەرێمی کوردستان و عێراق و ناوچەکە بە گشتی، لە ڕێگەی ستانداردەکانمانەوە هەوڵ بۆ باشترینەکان دەدەین.
ئەگەر لەبیرت کرد
-
لەشكركێشییەكانی توركیا مەترسی چۆڵكردنی نزیکەی 600 گوندی زیاتر كردووە
10كاتژمێر لهمهوپێش -
بافڵ جەلال تاڵەبانی لەگەڵ وەزیری دەوڵەتی ئەڵمانیا بۆ کاروباری دەرەوە کۆبووەوە
16كاتژمێر لهمهوپێش -
ساڵح موسلیم “بەشداریی کۆنگرەی دیالۆگی سوریا ناکەین و پابەندی ئەنجامەکانی نابین”
16كاتژمێر لهمهوپێش
بنکۆڵکاری
-
هەولێر شاری باڵەخانە بەرزەکان بەڵام بێ ژێرخان
كانونی دووهم 5, 2022 -
بڵاوبوونەوەی ڤيديۆی سێکسی لە تۆڕەکۆمەڵايەتييەکاندا
تهمموز 6, 2021