سبەی مووچەی توێژێكی دیكە دابەشدەكرێت

SNN-عەلی حەمە سەعید

وابڕیارە سبەی پێنجشەممە وەزارەتی دارایی و ئابووری حكومەتی هەرێم دەستبەدابەشكردنی مووچەی كەمئەندامان و خاوەنپێداویستی تایبەتەكانی سەر بە وەزارەتی كاروكاروباری كۆمەڵایەتی بكات، هاوكات لە ڕۆژانی هەینی و شەممە مووچە دابەشناكرێت.

بە گوێرەی ئەو زانیارییانەی كە لەبەرپرسێكی سەر بەوەزارەتی دارایی و ئابوری بە SNNدراون ئەوە خراوەتەڕوو، سبەی پێنجشەممە دابەشكردنی مووچەی مانگی حوزەیران بەردەامی پێدەدرێت و دەستدەكرێت بە دابەشكردنی مووچەی كەمئەندامان و خاوەن پێداویستیەتایبەتەكانی سەر بە وەزارەتی كارو كاروباری كۆمەڵایەتی.

ئاماژەی بەوەشكرد، ڕۆژانی هەینی و شەممە دابەشكردنی مووچە ڕادەگیرێت و یەك شەممە سەرەتای هەفتەی داهاتوو دەستدەكرێتەوە بەدابەشكردنی مووچە.

لە 25ی مانگی ڕابردووەوە دابەشكردنی مووچەی مانگی حوزەیران دەستپێكردووە بەڵام تا ئێستا مووچەی بەشێكی كەمی وەزارەتەكان دابەشكراوە ئەوەش نیگەرانی بەشێكی زۆری فەرمانبەران و مووچەخۆرانی بەدوای خۆیدا هێناوە، چونكە پێیان وایە حكومەت پابەندی بەڵێنەكەی خۆی نەبووە بە دابەشكردنی مووچە لە 30 ڕۆژ جارێكدا.