قەبارەی ئاڵوگۆڕی بازرگانی لە مەرزی باشماخ ئاشکرادەکرێت

SNN

بە گوێرەی لێدوانە فەرمییەکان قەبارەی ئاڵوگۆڕی بازرگانی لە مەرزی نێودەوڵەتی باشماخ لە ماوەی پێنج مانگدا زیاتر بووە لە چوار ملیار دۆلار.

پارێزگاری سنە رایگەیاند: لە پێنج مانگی ڕابردوودا، بەپێی ئاماری گومرگ لە سنووری باشماخ ئاڵوگۆڕی بازرگانی بە بڕی 4 ملیار و 800 ملیۆن دۆلار ئەنجام دراوە.

بەهمەن مورادنیا پارێزگاری سنە لە كۆبوونەوەی ئەنجومەنی هەماهەنگی بەرپرسانی بواری ئابووری و دارایی لە پارێزگای سنە ئاماژەی بەوەکرد: پێشبینی دەکرێت لە حەوت مانگی داهاتوودا قەبارەی بازرگانی لە مەرزی باشماخ زۆر زیاتر بێت.

وتیشی: دۆخی پارێزگای سنە بەراورد بە پارێزگاكانی دیكە لە بواری ژێرخانەوە لاوازە، بەڵام سەرەڕای هەموو كێشەكان توانیومانە چەندین كاری باش و بەرچاو ئەنجام بدەین.