کارپێکردنی مۆلیدە ئەهلییەکان گۆرانکاری بەسەردا هات
SNN
کۆمەڵەی مۆلیدە ئەهلییەکان خاوەن مۆلیدەکانی سلێمانی ئاگاداردەکاتەوە کە پێدانی کارەبای مۆلیدە گۆڕانکاری تێدا کراوە.
لە راگەیەندراوێکیدا، کە ئەمڕۆ 19ی ئایار بڵاویکردووەتەوە، کۆمەڵەی مۆلیدە ئەهلییەکان رایگەیاندووە: لە ئەمڕۆوە پێدانی کارەبای مۆلیدە بە هاووڵاتیان کراوە بە 24 کاتژمێر.
روونیشیکردووەتەوە: ” هەرکاتێک کارەبای نیشتمانی بڕا دەبێت مۆلیدە کاربکات”.
ئەمە لەکاتێکدایە لە چەند رۆژی رابردوودا وەزارەتی کارەبا رایگەیاندبوو، بەهۆی قەیرانی دارایی و نەبوونی سەتەمەنی و ئەنجامدانی چاکسازی لە چەند وێستگەیەکی غازدا، پێدانی کارەبا بە هاووڵاتیان کەمدەبێتەوە.
