هاوكارییەكانی بافڵ جەلال تاڵەبانی لە %98 كێشەكانی زانكۆی هەڵەبجەی چارەسەركردووە

SNN-عەلی حەمە سەعید

خوێندكاران و بەرپرسانی زانكۆی هەڵەبجە جەخت لەوەدەكەنەوە ئەو بەڵینانەی لەلایەن (بافڵ جەلال تاڵەبانی) پێمان درابوو بەزیادەوە وەك خۆی سەرجەمیان جێبەجێكران و هاوكارییەكانی ناوبراوبووەتە هۆی چارەسەركردنی لە%98 ی كێشەو گرفتەكانی بەشەناوخییەكانی زانكۆی هەڵەبجە و تائێستاش بەچوار قۆناغ پێداویست ڕەوانەكراوە.

ڕاستی سامان، یەكێك لە و خوێندكارانەی لە كۆبوونەوە لەگەڵ (بافڵ جەلال تاڵەبانی) بەشداری كردبوو بە نوێنەرایەتی خوێندكارانی زانكۆی هەڵەبجە بە SNNی ڕاگەیاند: ئەو كۆبوونەوەیەی لەگەڵ (بافڵ جەلال تاڵەبانی) ئەنجامماندا باشترین ئەنجامی هەبوو بەجۆرێك بە زیادەوە سەرجەم ئەو بەڵێنانەی پێماندرا سەرجەمیان جێبەجێكراون بەجۆرێك تەنها لە دوای 48 كاتژمێر لیژنە تایبەتەكان سەردانی ئێمەیان كردووە لەسەر داوا و دەرخستەی خۆمان سەرجەم پێداویستییەكانیان لە بەشەناوخۆییەكان بۆ دابینكردوین.

ئاماژەی بەوەشكرد، تا ئیستا بەچوارقۆناغ هاوكاری و پێداویستیەكانمان بە دەست گەیشتوون بەوهۆیەوە زۆربەی بەشەناوخۆییەكان كێشەو گرفت و كەموكورتییەكاینان چارەسەركراوە و ئەوانەشی كە ماون كاركردن تیایاندا بەردەوامە لە نۆژەنكردنەوە و دابینكردنی پێداویستییەكان بۆیان بۆیە بەدلنیاییەوە لەدوای دەستپێكردنەوەی دەوام گرفتی ئەوانیش چارەسەر دەكرێت.

ڕەنجدەر محەمەد، یاریدەدەری سەرۆكی زانكۆی هەڵەبجە بۆ كاروباری خوێندكاران بە SNNی ڕاگەیاند: ئەو هاوكاری و پێداویستیانەی كە لە لایەن (بافڵ جەلال تاڵەبانی) بۆ زانكۆی هەڵەبجە و بەشەناوخۆییەكان تەرخانكراوە هاوكارو پاڵپشتێكی باشمان بوو بۆ چارەسەركردنی كەموكورتی و گرفتەكانمان لە بەشەناوخۆییەكان هەر بەوهۆیشەوە خۆشبەختانە لە ئێستادا زیاد لە %98ی كێشەو گرفتەكانمان چارەسەر كراوە و پێداویستییە سەرەكی و گرنگەكانی بەشەناوخۆییەكان لە ئامێرەكانی گەرمكرەوە و كارەباییەكان دابینكراون.