قەتەر و تورکیا پێکەوە گرێبەستیان لەگەڵ هەرێم کردووە بۆ وەبەرهێنانی غاز
کۆمپانیای دانەغاز
SNN
ڕۆژنامەی “العرب” لە نوێترین بەدواداچونیدا ڕاپۆرتێکی لەو بارەیەوە بڵاوکردووەتەوە و ئاماژەی بەوەداوە “قەتەر نیازی هەیە بەهاوبەشی لەگەڵ تورکیا گرێبەستێک لەگەڵ هەرێم بکەن بۆ وەبەرهێنان لە کەرتی غازدا و سوودمەندی سەرەکی ئەم گرێبەستەش تورکیا و قەتەر دەبن”.
ڕۆژنامەکە باسی لەوەشکردووە، بەرپرسانی قەتەر نیازی قازانجکردنیان لە سامانی هەرێمی کوردستان هەیە، هەرێمی کوردستان خاوەنی یەدەگێکی زۆری غازە و لە ریزبەندی حەوتەمی وڵاتای جیهان دێت بۆ زۆری یەدەگی غاز.
ڕۆژنامەی “العرب” دەڵێت ئەمە یەکەمجار نییە هەرێمی کوردستان بیەوێت رێککەوتنی لەو شیوەیە بکات، لە ساڵی 2013دا نێچیرڤان بارزانی رێککەوتنێکی 50 ساڵی لەگەڵ تورکیا بۆ ناردنە دەرەوەی نەوتی هەرێم ئەنجامدا و لەچەند رۆژی رابردوشدا دادگای فیدڕاڵی عێراق بە بڕێارێک کۆی پڕۆسەی نەوتی هەرێمی پەکخست”.
بەگوێرەی نوێترین بڕیاری دادگای فیدراڵی عێراق، فرۆشتنی نەوت و غازی هەرێمی کوردستان بەشێوەی سەربەخۆ لەلایەن حکومەتی هەرێمەوە، لەدەرەوەی یاسایە، بەڵام هاوکات لەگەڵ ئەو بڕیارەدا مەسرور بارزانی، سەرۆک وەزیرانی هەرێمی کوردستان بۆ پرسی غازی سروشتی سەردانی قەتەری کرد.
