قوباد تاڵەبانی و کونسڵی چين لە هەرێم کۆبوونەوە
SNN
جێگری سەرۆكی ئەنجومەنی وەزیران و كونسڵی گشتی چین لە ھەرێمی كوردستان باسیان لە پتەوكردنی پەیوەندییەكان كرد لە رووی پەرەپێدانی ژێرخانی ئابوری و ھەماھەنگی زیاتر لەبواری خوێندنی باڵادا.
لەكۆبوونەوەیەكدا، كە ئەمڕۆ لە ھەولێر بەڕێوەچوو، لەنێوان قوباد تاڵەبانی جێگری سەرۆكی ئەنجومەنی وەزیران و نی رووچی كونسڵی گشتی چین، باس لە دواگۆڕانكارییەكان و پتەوتركردنی پەیوەندییەكانی نێوان ھەرێمی كوردستان و وڵاتی چین كرا.
قوباد تاڵەبانی سوپاسی ئەو وڵاتەی كرد كە؛ ھەمیشە ھەماھەنگ بووە لە گواستنەوەی ئەزموونی سەركەوتووی چین و سود لێوەرگرتنی لە ھەرێمی كوردستان.
ئاماژەی بەوەشدا: وەك ھەرێمی كوردستان جەخت لەسەر پتەوتركردنی پەیوەندییەكان دەكەنەوە بەتایبەت لەبواری پێشخستنی ژێرخانی ئابووری وچاكسازی و خوێندنی باڵادا.
