نوێترين پێشهات لەسەر دۆخی ئۆکرانيا

SNN

بەرپرسێکی وەزارەتی بەرگری ئەمەریکا رايگەياند: “روسیا بەنیازە لەڕێی داگیرکارییەکەی ڤلادیمێر پوتنەوە حکومەتی ئۆکرانیا لەسەر دەسەڵات لاببات”.

بەرپرسێکی وەزارەتی بەرگری ئەمەریکا بە دەنگی ئەمريکای راگەياندووە:” ئەوەی ئێستا دەیبینین قۆناغی سەرەتای داگیرکارییەکی بەرفراوانە، بەرەو کیێڤ دەجوڵێن، وتیشی ” بەنیازن حکومەتی ئۆکرانیا لەسەر دەسەڵات لاببەن”.

بەرپرسەکە وتويەتی “لە یەکەم هێرشی ڕووسیادا بۆ سەر ئۆکرانیا 100 موشەکی باڵیستیکی مەودا کورت بەکارهاتوون، هەروەها موشەکی باڵیستیکی مەودا ناوەند و موشەکی کروز و موشەکی زەوی بۆ ئاسمان بەکارهاتوون. موشەکەکان بنکە سەربازییەکان و بنکە ئاسمانییەکان و کۆگاکانی چەکیان کردۆتە ئامانج.

دوابەدوای هێرشەکانی ڕووسیا، ئەمەریکا و هاوپەیمانەکانی ڕۆژئاوا بەخێرایی و بەشێوەیەکی یەکگرتوو سەرکۆنەی هێرشەکەیان کرد و بەڵێنیاندا سزای توندی ئابووری بسەپێنن بەسەر ڕووسیادا.

سەرۆکی ئۆکرانیا ڤۆلۆدیمێر زیلینسکی وتی هێزەکانی ڕووسیا هێرشی ئاسمانیان کردۆتە سەر ژێرخانی سەربازیی و پاسەوانەکانی سنووری ئۆکرانیا. هەروەها داواشی لە خەڵکەکە کرد ئارام بن و لە ماڵەکانیان بمێننەوە.

“.وتیشی “حکومەت چەک دەدات بە هەر کەسێک کە بیەوێت بەرگری لە وڵاتەکە بکا