“ئهگهر گرفت بۆ ماددهى 140 دروستبكرێت له دادگاى فیدراڵى سكاڵا تۆمار دهكهین”
سەباح حەبیب، ئەندامی ئەنجوومەنی نوێنەرانی عێراق لە فراكسیۆنی یەكێتی | فۆتۆ: Kirkuk
SNN – عەلی حەمە سەعید
ئهندامێكى ئهنجوومهنى نوێنهرانى عێراق له فراكسیۆنى سهوز رایدهگهیهنێت، دهستمان به كۆكردنهوهى واژوو كردووه بۆ جێبهجێكردنى ماددهى 140، دهشڵێت: “ئهگهر گرفتمان بۆ دروستبكرێت لهكاتى جێبهجێكردنى ئهو ماددهیهدا له دادگاى فیدراڵى سكاڵا تۆمار دهكهین”.
سەباح حەبیب، ئەندامی ئەنجوومەنی نوێنەرانی عێراق لە فراكسیۆنی سهوز ئهمڕۆ پێنجشهممه بە SNNی راگەیاند، “ئێمه وهك نوێنهرى كهركوك و پهرلهمانتارانى فراكسیۆنى سهوز سهرقاڵى كۆكردنهوهى واژووین بۆ كاراكردنهوهى ماددهى 140 و جێبهجێكردنى، چونكه ساڵى رابردووش له بودجهدا پارهى بۆ دابینكراوه”.
به وتهى ئهو پهرلهمانتاره، “جگه له ههوڵهكانییان بۆ كۆكردنهوهى واژوو له ئێستادا ههوڵهكانیان چڕكردووهتهوه بۆ جێگیركردنهوهى پشكى ماددهكه له پرۆژهیاساى بودجهى 2022ى عێراق”.
سەباح حەبیب لهبارهى ئهگهرى كۆسپت خستنه بهردهم جێبهجێكردنى ماددهى 140 لهلایهن فراكسیۆنهكانى ترهوه دهڵێت: “بەلای ئێمەوە وەك یەكێتیی نشتیمانیی كوردستان ماددەی 140 هێڵی سورە، ئەگەر لەڕێگەی پەرلەمانەوە ئاستەنگ بۆ جێبەجێكردنی ماددەی 140 دروستبكرێت، ئامادەین لە دادگای فیدراڵی سكاڵای یاسایی تۆمار بكەین، تەنانەت لە دادگا نێودەوڵەتییەكانیش سكاڵا تۆمار دەكەین، چونكە هیچ پاساوێك نەماوە بۆ جێبەجێنەكردنی ئەو ماددە دەستوورییە”.
ئهو ئهندامهى ئهنجوومهنى نوێنهرانى عێراق جهخت لهسهر ئهوهشدهكاتهوه، “قبوڵیناكهن هیچ ههنگاوێك بنرێت به ئاراستهى پشتگوێخستنى جێبهجێكردنى ماددهكه”.
