ئەنجومەنی وەزيران لەسەر گرفتەکانی هەڵەبجە کۆدەبێتەوە
کۆبوونەوەی ئەنجوومەنی وەزیران
SNN
وتەبێژی حکومەتی هەرێم رايگەياند: ئەمڕۆ ئەنجومەنی وەزيران کۆدەبێتەوە و چەند بابەتێکی تايبەت بە هەڵەبجە و چەند پرسێکی ديکە تاوتوێدەکات.
جوتيار عادل وتەبێژی حکومەتی هەرێمی کوردستان لە راگەيەندراوێکدا بڵاويکردەوە: ئەمڕۆ چوارشەممە ئەنجومەنی وەزیرانی هەرێمی کوردستان کۆدەبێتەوە.
بەپێی راگەيەندراوەکە تەوەرەکانی کۆبوونەوەکە تايبەت دەبێت بە: خستنەڕووی چەند بابەتێکی تایبەت بە پارێزگای هەڵەبجە، لەپێناو پێشخستنی زیاتری ئاستی خزمەتگوزاری بۆ دانیشتووانی پارێزگاکە.
هەروەها، گفتوگۆ لەبارەی چەند پرسێکی هەنووکەیی تایبەت بە دۆخی هەرێمی کوردستان و عێراق و ناوچەکە دەکرێن.
