بانكى ڕهشید 25 ملیۆن پێشینه دهداته مووچهخۆران و خانهنشینان
دراوى 25 ههزار دینارى عێراق | فۆتۆ: SNN
SNN
بانكى ڕهشید له دهستپێشخهرییهكى نوێیدا بڕیاریدا پێشینهیهك به بڕى 25 ملیۆن دینار بداته مووچهخۆران و خانهنشینان.
له بهیاننامهیهكدا كه ئهمڕۆ چوارشهممه 16ى ئازار، بڵاوكراوهتهوه بانكى ڕهشید ئهوهى خستووهتهڕوو، “بڕیارماندا به پێدانى پێشینهیهك به بڕى 25 ملیۆن دینارى عێراقى به مووچهخۆرانى حكومهت و خانهنشینان، بهتایبهتیش مووچهخۆرانى ههردوو وهزارهتى ناوخۆ و بهرگریی”.
له بهشێكى ترى بهیاننامهكهدا ئهوهش خراوهتهڕوو، “ئهو مووچهخۆرانهشى كه له بانكهكهى ئێمه مووچه وهردهگرن و خاوهنى ماستهر كاردن دهتوانن داواى ئهو پێشینهیه بكهن”.
بانكى ڕهشید دووهم گهورهترین بانكى عێراقه و خاوهنى 162 لقه و له ساڵى 1989هوه دامهزراوه، بهردهوام پێشینه دهداته مووچهخۆران و هاووڵاتییان.
