لەسەر سوکایەتیکردن بە هەڵەبجە سانای مام یوسف دستگیرکرا

عەلی حەمەسەعید-SNN

دوای ئەوەی لەگرتەیەکی ڤیدیۆیدا یەکێک لەکچە مۆدێلەکان سوکایەتی بەخەڵکی هەڵەبجەو شەهیدانی شارەکە کرد، ئەمڕۆ مەفرەکانی پۆلیسی پارێزگای هەڵەبجە بە هەماهەنگی پۆلیسی پارێزگای سلێمانی ئەو تۆمەتبارەیان دەستگیرکرد.

موقەدەم بەرزان عوسمان، وتەبێژی بەڕێوەبەرایەتی پۆلیسی پارێزگای هەڵەبجە بە SNNی راگەیاند: لەسەرسکاڵای  بەڕێوەبەرایەتی گشتیی شەهیدان وئەنفالکراوانی پارێزگای هەڵەبجە بەتۆمەتی سوکایەتی بە شەهیدان ودانیشتوانی پارێزگای هەڵەبجە ئەمڕۆ دووشەممە 21ی3ی2022 مەفرەزەی بنکەی پولیسی  فریاکەوتنی هەڵەبجە لەشاری سلێمانی بەهاوکاری بەڕێوەبەرایەتی پولیسی پارێزگای سلێمانی ودەزگا ئەمنیەکانی دیکە تۆمەتبار سانا یوسف احمد دانیشتوی سلێمانی بەپێی  ماددەی دووی خراپ بەکارهینانی ئامێرەکانی پەیوەندی دەستگیر کرا.

ئاماژەی بەوەشکرد، ناوبراو بەبڕیاری دادوەری لێکۆلینەوەی هەڵەبجە تا 30-3-2022  بەندکرا و دوسیەی لێکۆڵینەوەی  لەبنکەی پولیسی شەهید سەرکار بۆڕێکخراوە.