شەپۆلی خۆڵبارین عێراق دادەپۆشێت و رێگە نادرێت شارەزایان لێدوان بدەن

SNN

ماوەی چەند رۆژێکە شەپۆلێکی توندی خۆڵبارین تەواوی ناوچەکانی عێراقی گرتووەتەوە و لەکاتی ئێستادا لێدوان لە شارەزایانی کەشناسی قەدەغەکراوە، لەگەك ئەوەشدا چەندین کەس رەوانەی نەخۆشخانەکان کراون تا چارەسەری تەنگەنەفەسی وەربگرن.

سادق عەتییە، شارەزای برواری کەشناسی عێراق لە فەیسبووکی تایبەتی خۆی دەنوسێت، ئێمەی شارەزایانی بواری کەشناسی رێگیرمان لێکراوە کە بابەتی کەشوهەوا بڵاوبکەینەوە و رێگە بۆ کۆمەڵێک کەس خۆشکراوە قسە لەسەر ئەم بابەتە بکەن کە لە تایبەتمەندی ئەوان نییە، بواری کەشوهەواش لە عێراقدا وەک هەموو بوارێکی تر بە سیاسی کراوە.

پێشبینییەکی مەترسیدارەکان ئاماژە بەوەدەکەن، کە پێدەچێت لە چەند مانگی داهاتوودا خۆڵبارین ببێتە میوانی هەموو هەفتەیەکی عێراق دەبێت بەجۆرێک لە هەفتەیەدا سێ رۆژ خۆڵبارینی تێدابێت، ئەم هۆکارەش بۆ گۆڕانی کەشوهەوا دەگەڕێتەوە لە جیهاندا و عێراقیش پشکی شێری بەردەکەوێت.