خۆڵبارین گەشتەكانی فڕۆكەخانەی نێودەوڵەتی سلێمانی راگرت
فڕۆکەخانەی نێودەوڵەتی جەلال تاڵەبانی
SNN-عەلی حەمە سەعید
بەرێوەبەری فرۆكەخانەی نێودەوڵەتی سلێمانی ئاماژە بەوەدەكات لە پێش نیوەڕۆی ئەمڕۆ شەممە 2022/4/9 سەرجەم گەشتەكانی فڕۆكەخانەی نێودەوڵەتی سلێمانی راگیراون، ئەوەش بەهۆی ئەو خۆڵبارینەی كە لە ئەمڕۆوە ئاسمانی سلێمانی گرتووەتەوە و تا كاتێكی نادیاریش گەشتە ئاسمانییەكانی فرۆكەخانە ڕاگیراون
تاهیرعەبدوڵا، بەرێوەبەری فرۆكەخانەی نێودەوڵەتی سلێمانی بە SNN ی ڕاگەیاند: لە كاتژمێر 9:30 خولەكی پێش نیوەڕۆی ئەمڕۆ شەممە سەرجەم گەشتە ئاسامانییەكانی فڕۆكەخانەی نێودەوڵەتی سلێمانی ڕاگیراون، ئەوەش بەھۆی ئەو شەپۆلی خۆڵبارینەی كە جارێكی دیكە ڕووی لە ئاسمانی سلێمانی كردووە.
ئاماژەی بەوەشكرد: گەشتە ئاسمانییەكان تاكاتێكی نادیار راگیراون، هەركات بارودۆخی كەشوهەوا ئاسایی بوویەوە دەستدەكەینەوە بە ئەنجامدانی گەشتەكان، بەڵام نازانین كەی كەشوهەوا ئاسایی دەبێتەوە و ئاسمانی فڕۆكەخانەی نێودەوڵەتی سلێمانی ڕوون دەبێتەوە.
راگرتنی گەشتە ئاسمانییەكانی فڕۆكەخانەی نێودەوڵەتی سلێمانی لە كاتێكدایەكە ڕۆژی پێنجشەممەش بەهەمان هۆ هەردوو فڕۆكەخانەی نێودەوڵەتی هەولێر و سلێمانی بەهۆی شەپۆلی خۆڵبارینەوە سەرجەم گەشتەكانیان راگرت.
