لە سلێمانی منداڵێک بەهۆی پەلاماری سەگەوە گيانی لەدەستدا
SNN
سێ رۆژ لەمەوبەر لە گەڕەکی راپەرينی شاری سلێمانی، سەگ پەلاماری منداڵێکیداوە، بەهۆی سەختی برينەکەيەوە گيانی لەدەستداوە، ئەو سەگانەی پەلاماريان داوە سەگی راهێنراو بوون.
بەپێی زانيارييەکانی SNN: ئەو سەگانەی پەلاماری منداڵەکەيانداوە سەگی راهێنراو بوون و لە قەفەزی ماڵی دراوسێی ئەو منداڵەدابوون، رووداوەکە بەشێوەيەک بووە کە منداڵەکە چووە بۆ ئەوەی ياری لەگەڵ سەگەکان بکات بەڵام پەلاماريانداوە و بەهۆی سەختی برينەکەيەوە گيانی لەدەستداوە.
تا ئێستا کەسوکاری منداڵەکە هيچ لێدوانێکيان بۆ ميدياکان نەداوە و زانياری زياتر لەبارەی رووداوەکەوە ئاشکرا نەکراوە.
بەيانی ئەمڕۆ، لە تۆڕەکۆمەڵايەتييەکاندا هەواڵەکە بەجۆرێک بڵاوکرايەوە کە رووداوەکە شەوی رابردوو بووە و سەگەکان سەگی بەرەڵابوون.
