وەزیری ناوخۆی توركیا: لە قەندیل ئاڵای توركیا هەڵدەكەین
وێنه‌ى سوپاى توركیا له‌كاتى ئۆپراسیۆنى سه‌ربازیدا | فۆتۆ: وه‌زاره‌تى به‌رگریی توركیا
SNN
وه‌زیرى ناوخۆى توركیا رایده‌گه‌یه‌نێت، ساڵى داهاتوو ئاڵاى توركیا له قه‌ندیل هه‌ڵده‌كه‌ین و پاكیده‌كه‌ینه‌وه له تیرۆریستان.
دوێنێ هه‌ینى 10ى حوزه‌یران، سوله‌یمان سۆیلۆ، وه‌زیرى ناوخۆى توركیا له میانى پێشكه‌شكردنى وتارێك له‌به‌ره‌ده‌م سه‌ربازانى وڵاته‌كه‌ى وتى: “سه‌رۆكمان فه‌رمانیكردووه كه ئاماده‌كاریبكه‌ین بۆ ئه‌نجامدانى ئۆپراسیۆنه‌كانمان له تەلڕەفعەت و منبج و ئۆپراسیۆنه‌كانیشمان له‌وێ ده‌ستپێكه”.
وه‌زیرى ناوخۆى توركیا له درێژه‌ى قسه‌كانیدا ئه‌وه‌شى خسته‌ڕوو، “پێش ئه‌وه‌ى ته‌مه‌نى كۆمارى توركیا ببێته 100 ساڵ و ئاهه‌نگى بوونمان به ده‌وڵه‌ت له 29ى تشرینى یه‌كه‌مى ساڵى داهاتوو بگێڕین قه‌ندیل له تیرۆریستان پاكده‌كه‌ینه‌وه و ئاڵاكه‌مان له‌به‌رزاییه‌كانى قه‌ندیل هه‌ڵده‌كه‌ین”.
