چوار حاڵهتى تووشبوون به كۆلێرا له ههولێر راگهیهنران
كۆنفرانسى رۆژنامهوانى پارێزگار و بهڕێوهبهرى تهندروستى ههولێر | فۆتۆ: SNN
SNN
چوار حاڵهتى تووشبوون به پهتاى كۆلێرا له ههولێر راگهیهنران و پارێزگارى ههولێریش دهڵێت: “ههر لایهنێك پابهند نهبێت شوێنهكهى دادهخهین و رێكارى یاسایی تووندى لهدژ دهگرینهبهر”.
ئومێد خۆشناو پارێزگارى ههولێر كهمێك لهمهوبهر له كۆنگرهیهكى رۆژنامهوانیى هاوبهشدا لهگهڵ بهڕێوهبهرى تهندروستيى ههولێر رێكاره نوێیهكانى رووبهڕووبوونهوهى پهتاى كۆلێراى له ههولێر راگهیاند و وتى: “بڕیارماندا ژوورى ئۆپراسیۆنهكان پێكبهێنین بهمهبهستى رووبهڕووبوونهوهى كۆلێرا كه نوێنهرى سهرجهم لایهنه پهیوهندیدارهكانى تێیدایه. هاوكات رێگه نادهین بههیچ شێوهیهك له چێشتخانهكان و شوێنه گشتییهكان سهوزه و پهرداخ بهكاربهێنرێت جگه له پهرداخى سهفهرى”.
له بهشێكى ترى قسهكانیدا پارێزگارى ههولێر ئهوهشى خستهڕوو، “كۆمپانیاكانى ئاو، مهلهوانگهكان و سهرجهم خواردنگه و چێشتخانهكانیش ئاگادار دهكهینهوه كه ئهگهر پابهند نهبن به مهرج و رێنماییهكان رێكارى تووندیان بهرامبهر دهگرینهبهر و دادهخرێن”.
لهبارهى كاتى جێبهجێكردنى بڕیارهكان ئومێد خۆشناو ئهوهشى خستهڕوو، “بڕیار و رێكارهكان له سبهیهوه دهچنه بوارى جێبهجێكردنهوه و تاوهكو یهك مانگ بهردهوامدهبین له جێبهجێكردنیان”.
پارێزگارى ههولێر له كۆتایی قسهكانیدا، “داواى له هاووڵاتییان كرد كه پابهندى رێنماییهكان بن و گوێ له بهرپرسانى تهندروستى بگرن بۆ ئهوهى بهدووربن له نهخۆش و پهتاى كۆلێرا”.
ههر لهو كۆنگره رۆژنامهوانییهدا د. دلۆڤان محهمهد، بهڕێوهبهرى تهندروستيى ههولێر رایگهیاند، “ههشت حاڵهتى گومانلێكراو ههن، بهڵام چوار تووشبووى كۆرۆنا له ئێستادا له شارى ههولێر ههن”.
