جێگرەوەی 73 پەرلەمانتارەکەی سەدر دیاریکرا
SNN
لە دوای دەستلەکارکێشانەوەی پەرلەمانتارەکانی کوتلەی سەدر و قوبوڵکردنی لەلايەن سەرۆکايەتی ئەنجومەنی نوێنەرانەوە، بەپێی رێکارەکانی کۆمسیۆن جێگرەوەکانیان لە ئەنجومەنی نوێنەرانی عێراق دیاری کرا.
فراکسیۆنی سەدر لە پەرلەمانی عێراق خاوەنی 73 کورسی بوو، دوای دەستلەکارکێشانەوەی سەرجەم ئەندامەکانی لە پەرلەمانی عێراق، بەپێی یاسای هەڵبژاردن لە هەر بازنەیەک لە شوێنی پەرلەمانتارە دەستلەکارکێشاوەکان ئەو بەربژێرانە سەردەکەون و دەبنە پەرلەمانتار، کە زۆرترین دەنگیان هێناوە لەنێو بەربژێرە دەرنەچووەکانی هەر بازنەیەکدا.
