بەرپرسێکی حکومەتی هەرێم دەستیلەکار کێشايەوە

SNN

نادر ڕوستی، وتەبێژی دەستەی گەشتوگوزاری هەرێمی کوردستان دەستیلەكاركێشایەوە و نامەی دەستلەكاركێشناوەكەی لە تۆڕە كۆمەڵایەتییەكان بڵاوكردەوە.

نادر ڕوستی وتەبێژی دەستەی گەشتوگوزاری هەرێم لە پۆستێکيدا لە فەيسبوک دەستلەکار کێشانەوەی خۆی لە پۆستەکەی راگەياند و نوسيويەتی: ماوەی 12 ساڵە وەک وتەبێژی گەشتوگوزاری هەرێمی کوردستان و بەڕێوەبەری ڕاگەیاندنی دەستەی گشتیی گەشتوگوزار خزمەتمكردووە، 17 ساڵە وەک نووسەر و ڕۆژنامەنووسی بواری گەشتوگوزار کاردەكەم و چەندین پەرتووك و توێژینەوە و بڵاوكراوەم لەو بوارەدا نووسیوە.

دەشڵێت “بە پێویستی دەزانم دەست لە کاری وتەبێژی دەستەی گشتیی گەشتوگوزار و بەڕێوەبەرایەتی راگەیاندن بکێشمەوە و دەرفەت بۆ وزە و هێزی دیکە  بڕەخسێنین”.

باسی لەوەشکردووە: داواکارم هیچ دەزگایەکی راگەیاندن و میدیاکارێک بۆ لێدوان  وەک وتەبێژی دەستەی گەشتوگوزار پەیوەندیم پێوە نەکات، بەڵام هەردەم ئامادەم وەک شارەزا و شرۆڤەکارێکی گەشتوگوزار هاوکاری هەر کەسێک بکەم کە پێویستی بە من هەیە.

نادر ڕوستی هۆكاری دەستلەكاركێشانەوەكەی ئاشكرانەكردووە و نووسیویەتی: “وەڵامی هیچ ڕاگەیاندنکارێک نادەمەوە کە هۆکاری دەستلەکارکێشانەوەم چی بوو”.

نادر ڕۆستی