حكومهتى ههرێم سیستمى دابهشكردنى مووچه دهگۆڕێت
دراوى 25 ههزار دینارى عێراق | فۆتۆ: SNN
SNN
حكومهتى ههرێمى كوردستان پرۆسهى گۆڕینى سیستمى دابهشكردنى مووچهى له نهقدهوه بۆ كارتى ئهلیكترۆنى دهستپێكردووه و سهرۆكى لیژنهى دارایی پهرلهمانى كوردستانش دهڵێت: “پێشنیارمان كردووه ھەموو بانکەکان بە ئەلکترۆنی بکرێن و مووچە بە ئاسانترین شێوە دابەشبکرێت”.
ئهمڕۆ سێشهممه 21ى حوزهیران، پێگهى فهرمى پارتى دیموكراتى كوردستان بڵاویكردهوه، “حکوومەت سەرقاڵە لەڕێگەی فەرمانگەی تەکنەلۆژیا و زانیارییەوە مووچە لەڕێگەی کارتی ئەلکترۆنییەوە دابەشبکات و قەیرانی هونهرى دابەشکردنی مووچە نەمێنێت، چونکە یەکێک لە قەیرانەکان، دابەشکردنی هونهریی مووچەیە، بەڵام بەو جۆرە مووچەخۆران دەتوانن لە ھەر بانکێک کە بیانەوێت مووچە وەربگرن و بەم جۆرە ئەو کێشەیە چارەسەر دەبێت”.
پێگهكه ئهوهشى خستووهتهڕوو، “جگە لەوەش، مووچە دهچێته سهر ههژمارى فهرمانبهر و ھەرکاتێک بیەوێت دەتوانێت مووچەکەی وەربگرێت، بۆیە ھەنگاوی بۆ نراوە و لە ساڵی 2014ەوە لەگەڵ کۆمپانیایەک رێککەوتوون کە سۆفتوێرەکەی لێ بکڕین، بەڵام قەیرانی دارایی بەسەردا ھات و ئێستا دووبارە بڕیارە لەگەڵ کۆمپانیایەک بگەنە رێککەوتن و گرێبەست بکەن بۆ ئەوەی ئەو کارە جێبەجێ بکرێت، بۆیە بڕیارەکە ئێستا لە ئەنجوومەنی وەزیرانە و تەنیا ماوە ئەنجوومەن رەزامەندیی لەسەر بدات و بڕیارەکە جێبەجێ دەکرێت، چونکە پێویستی بە بودجە ھەیە و جێبەجێکردنی ئەو کارە بەشێوەی مانگانەیە”.
ههر لهو بارهیهوه زیاد جهبار، سەرۆکی لیژنەی دارایی و کاروباری ئابووری لە پەرلەمانی کوردستان رایگهیاند،”میکانیزمی دابەشکردنی مووچە لە ھەرێمی کوردستان باش نییە و ھەموو لایەکمان ھەوڵ دەدەین میکانیزمێک بدۆزینەوە بۆ دابەشکردنی مووچە، بەتایبەت مووچەی خانەنشینان، کە زۆر گرنگە و بەگشتییش میکانیزمێک بێت بەئاسانی مووچە بگاتە دەستی مووچەخۆران”.
وتیشى: “ئێمەش لە پەرلەمان ماوەیەکە سەرقاڵین میکانیزمێک بدۆزینەوە و ئامادەمان کردووە و کۆمەڵێک راسپاردە و پێشنیازی تێدایە بۆ حکوومەت و وەزارەتی دارایی، کە لەگەڵ ئەوەی خەریکی راپۆرتێکی گشتیین کە ئەوەش بەشێکە لە راپۆرتەکەمان لەبارەی دۆخی دارایی و مووچەوە، حکوومەتیش خەریکی دۆزینەوەی میکانیزمێکە، بۆیە پێشنیازمان کردووە ھەموو بانکەکان بە ئەلکترۆنی بکرێن و مووچە بە ئاسانترین شێوە دابەش بکرێت”.
سەرۆکی لیژنەی دارایی و کاروباری ئابووری لە پەرلەمانی کوردستان ئهوهشى خستهڕوو، “ھەنگاویش بنرێت ھەم وەرگرتنی مووچە و ھەم بانکەکان بە ئەلکترۆنی بکرێن و لە داھاتوودا بەرەو ئەوە بڕۆین سیستەمی بانکیمان لە ھەرێمی کوردستان ھەبێت”.
