G7 داوا لە چين دەکات رووسيا لە شەڕکردن رابگرێت
SNN
ڕابەرانی وڵاتانی کۆمەڵەی حەوت (G7) داوایان لە چین کرد کاریگەرییەکانی لەسەر رووسیا بەکاربهێنێت تاوەکو مۆسکۆ داگیرکارییەکەی لە ئۆکرانیا رابگرێت.
لە دوای کۆبوونەوەی کۆمەڵەی (G7) ڕابەرانی کۆمەڵەی حەوت داوایان لە چین کرد فشار بخاتە سەر رووسیا تاوەکو مۆسکۆ دەستبەجێ و بەبێ هیچ مەرجێک هێزەکانی لە ئۆکرانیا بکشێنێتەوە، ئاماژەیان بە فەرمانی دادگای دادی نێودەوڵەتی کرد سەبارەت بەوەی مۆسکۆ دەبێت ئۆپەراسیۆنە سەربازییەکانی ڕابگرێت.
دوێنێ، سێشەممە کۆمەڵەی وڵاتانی G7 (حەوت وڵاتی خاوەن بەهێزترین ئابووری و پیشەسازی جیهان) لەسەر ئاستی لوتکە لە ئەڵمانیا کۆبوونەوە و بڕیاریاندا سزاکانی سەر روسیا توندتر بکرێن، پشت بەستن بە نەوتی روسیی کەمبکرێتەوە، هەماهەنگی هاوبەش دژی هێرشە ئەلیکترۆنییەکانی مۆسکۆ زیاتر بکرێن و ئاسایشی ئابوری جیهانیش پارێزراو بێت.
