هەوڵێک هەیە بۆ دووبارە دابەزاندنەوەی بەهای دۆلار بەرامبەر دینار

SNN

لەکاتی ئێستادا لە پەرلەمانی بەغدا دەگۆی ئەوە هەیە کە بەهای دۆلار بەرامبەر دینار دابەزێنێت و لەلایەن چەند فراکسیۆنێکی پەرلەمانەوە ئەم هەوڵە جدییە بەتایبەتی دەوڵەتی یاسای نوری مالیکی.

محاسن دلێمی ئەندامی فراکسیۆنی سادقون لە ئەنجومەنی نوێنەرانی عێراق ئاشکرای کرد، ژمارەیەک پەرلەمانتاری ناو فراکسیۆنە جیاوازەکانی ئەنجومەنی نوێنەرانی عێراق جەخت دەکەنەوە لەوەی ھەوڵ دەدەن لە ڕێگەی پڕۆژەیەکەوە بەھای دۆلار بەرامبەر دیناری عێراق دابەزێنن و بیگەڕێنەوە بۆ نرخەکەی پێشتری.

ئەو پەرلەمانتارە ئاماژەی بەوەش کردووە، بڕیاری بەرزکردنەوەی بەھای دۆلار بەرامبەر دیناری عێراقی بڕیاڕێکی ھەڵە بووە و زیانی زۆری بە ھاووڵاتیانی عێراق گەیاندووە.

لە ماوەی ڕابردوودا حکومەتی عێراق بەھۆی کورتھێنانی بوجە پەنای بردەبەر بەرزکردنەوەی بەھای دۆلار بەرامبەر دیناری عێراقی.