حکومەتی عێراق ماددەکانی بەشە خۆراک زیاد دەکات
كۆگایهكى خۆراك له سلێمانى | فۆتۆ: SNN
SNN
عەلا جبوری وەزیری بازرگانی عێراق بە ئاژانسی فەرمی هەواڵی عێراقی راگەیاند، “پلانمان هەیە مادەکانی بەشەخۆراکی مانگانەی هاوڵاتیان زیادبکەین تاوەکو نرخەکان بە جێگیری بمێنێتەوە”.
ئەوەشی خستەڕوو، تاوەکو ئێستا دوو ملیۆن و 50 هەزار تۆن گەنم لە جوتیارن وەرگیراوە و وەرگرتنی گەنمیش بەردەوامە.
وەزیری بازرگانی عێراق وتیشی، بۆ پرکردنەوەی پێویستی ناوخۆ پێویستییان بە هاوردەکردنی یەک ملیۆن تۆن گەنم هەیە.
ئەمەش لەکاتێکدایە، بەهۆی شەڕی ئۆکرانیاوە نرخی خۆراک و بە تایبەت گەنم لە بازارەکانی جیهاندا بەرزبووەتەوە و بۆ ئەو مەبەستەش حکومەتی عێراق بریاریدا بەبێ مەرج تەواوی گەنمی جوتیاران وەربگرێت.
