وەزارەتی ناوخۆ چەند بڕیارێک دەدات لەبارەی تۆمارکردنی ئۆتۆمبێل
هاورده‌كردنى ئۆتۆمبێل له مه‌رزه‌كانى هه‌رێمه‌وه
SNN
هه‌موو ئه‌و ئۆتۆمبێلانه‌ى هاورده‌ى هه‌رێمى كوردستان كراون‌و پێشتر له‌لایه‌ن هاتوچۆوه ڕه‌تكراونه‌ته‌وه‌و تۆمارنه‌كراون، له‌ئێستادا وه‌زاره‌تى ناوخۆ بڕیارێكى له‌وباره‌یه‌وه ده‌كردو مژده‌یه‌ك به‌خاوه‌نه‌كانیان ده‌دات.
له نوسراوێكدا، وه‌زاره‌تى ناوخۆى حكومه‌تى هه‌رێم چه‌ند بڕیارێكى بۆ ئه‌و ئۆتۆمبێلانه ده‌ركرد، كه كێشه‌یان هه‌یه‌و هاتوونه‌ته ناو هه‌رێمى كوردستان‌و سه‌ربارى ئه‌وه‌ى بڕوانامه‌ى COCیان پێدراوه، به‌ڵام تائێستا تۆمارنه‌كراون.
وه‌زاره‌تى ناوخۆ له‌نوسراوه‌كه‌یدا ئاماژه‌ى به‌وه‌داوه، “ئه‌و ئۆتۆمبێلانه‌ى كێشه‌یان هه‌یه‌و هاتوونه‌ته ناو هه‌رێم‌و بڕوانامه‌ى COCیان پێدراوه، له‌به‌ر به‌رژه‌وه‌ندیی گشتی‌و به‌پێى ئه‌و ده‌سه‌ڵاته‌ى پێماندراوه، سه‌رجه‌میان تۆمارده‌كرێن”.
جه‌ختى له‌وه‌شكردۆته‌وه، “ته‌نها ئه‌و ئۆتۆمبێلانه له‌هه‌رێمى كوردستان تۆمارناكرێن، كه (ژێرئاو كه‌وتوو، بڕاوه‌و سوتاو)ن”.
