بافڵ جەلال تاڵەبانی پێشوازی لە موسەنا سامەڕائی کرد

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا پێشوازیکرد لە موسەنا سامەڕائی، سەرۆکی ھاوپەیمانیی عەزم، لە دیدارێکدا دەرباز کۆسرەت رەسوڵ، کارگێڕی مەکتەبی سیاسی و فەیسەڵ کەریم خانی برادۆست ئامادەبوون.

لە کۆبوونەوەکەدا دوایین پێشهات و گۆڕانکارییەکان تاوتوێکران و هەوڵەکانی پێکهێنانی حکومەت و خێراترکردنی هەنگاوەکان گفتوگۆیان لەبارەوە کرا، هەردوولا هاوڕابوون کە دۆخی ئەمڕۆی عیراق پێویستی بە هەوڵی هەموولایەکە و دەبێت هەموومان پێکەوە کار بۆ بونیادنانی داهاتوویەکی گەشتر بکەین.

سەرۆک بافڵ جەلال تاڵەبانی ئاماژەی بە هەوڵەکانی یەکێتی کرد بۆ تێپەڕاندنی دۆخی سیاسیی ئەمڕۆی عیراق و وتی، یەکێتی لەگەڵ سازان و شەراکەتی راستەقینەیە. دەبێت حکومەتی نوێ رەنگدانەوەی خواستی هەموولایەک بێت و دووربێت لە جیاکاری.