رۆژى گه‌ڕانه‌وه‌ى حاجیانى هه‌رێمى كوردستان دیاریكرا
حاجیانی سعودیە| فۆتۆ: وەزارەتی حەج و عەمرە
SNN
وته‌بێژى به‌ڕێوه‌به‌رایه‌تى گشتى حه‌ج و عومره‌ى هه‌رێمى كوردستان ئاشكرایده‌كات، رۆژى 14ى ته‌مموز، حاجیانى هه‌رێمى كوردستان ده‌گه‌ڕێنه‌وه.
ئه‌مڕۆ شه‌ممه 9ى ته‌مموز، عه‌ره‌فات ستوونى، وتەبێژی بەڕێوەبەرایەتی گشتی حەج و عومرەی هەرێمی کوردستان رایگه‌یاند، “تاوه‌كو ئێستا هیچ حاڵەتێکی وا نەبووە لەناو حاجیان هەرێمی کوردستان کە پێویستی بە نەشتەرگەری هەبێت، رۆژێك پێش عەرەفە حاجییەکی کورد بەهۆی جەڵتە چەند رۆژێک لە نەخۆشخانە خەوێندرا، دواتر ئەمبوڵانسی بۆ دابینکرا بۆ ئەوەی بەشداری لە رێوڕەسمی عەرەفە بکات، پاش ئەوە گەڕایەوە نێو کاروانی حاجیان”.
له‌باره‌ى رۆژى گه‌ڕانه‌وه‌ى حاجیانى هه‌رێم ئه‌وه‌شى خسته‌ڕوو، “لە 14ی ئەم مانگە پرۆسەی گەڕانەوەی حاجیانی عێراق دەستپێدەکات”.
وتەبێژی بەڕێوەبەرایەتی گشتی حەج و عومرەی هەرێمی کوردستان ئه‌وه‌شى خسته‌ڕوو، “هێشتا خشتەکە دیار نەکراوە، بۆ ئەوەی بزانین لە یەکەم کاروان حاجیانی هەرێمی کوردستان دەگەڕێنەوە یان نا”.
