“تاوه‌كو كۆتایی ئه‌مڕۆ دابه‌شكردنى ئاو له هه‌ولێر ده‌ستپێده‌كاته‌وه”
بۆرى ئاوى ئیفرازى سێ هه‌ولێر | فۆتۆ: KRG
SNN
قایمقامى قه‌زاى ناوه‌ندى هه‌ولێر رایگه‌یاند، تیمه‌كانى به‌ڕێوه‌به‌رایه‌تى ئاو به‌رده‌وامن له چاككردنه‌وه‌ى بۆرى ئاوى ئیفرازى سێ هه‌ولێر و ده‌شڵێت: “تاوه‌كو كۆتایی ئه‌مڕۆ ده‌ستبه دابه‌شكردنى ئاو ده‌كرێته‌وه”.
دوێنێ هه‌ینى 9ى ته‌مموز، بۆرى ئاوى ئیفرازى سێى هه‌ولێر كه رێژه‌ى 40٪ى ئاوى هه‌ولێر دابینده‌كات شكا و به‌و هۆیه‌وه نزیكه‌ى نیوه‌ى دانیشتوانى هه‌ولێر بێئاو بوون.
ئه‌مڕۆ شه‌ممه نه‌به‌ز عه‌بدولحه‌مید، قایمقامى قه‌زاى ناوه‌ندى هه‌ولێر رایگه‌یاند، “ئه‌مڕۆ بۆرى ئاوى ئیفرازى سێى چاكده‌كرێته‌وه، چونكه له دوێنێوه تیمه‌كانى به‌ڕێوه‌به‌رایه‌تى ئاو ده‌ستیان به چاككردنه‌وه‌ى بۆرییه‌كه كردووه”.
له‌باره‌ى دابه‌شكردنى ئاوه‌وه نه‌به‌ز عه‌بدولحه‌مید ئاشكراشیكرد، “تاوه‌كو كۆتایی ئه‌مڕۆ ده‌ستبه دابه‌شكردنى ئاو ده‌كرێته‌وه”.
