ئیسرائیل و ئهمریكا پرسى بهرهنگاربوونى ئێران تاوتوێدهكهن
ئاڵاى ئهمریكا و ئیسرائیل | فۆتۆ: Daily Sabah
SNN
سهرۆكوهزیرانى ئیسرائیل رایدهگهیهنێت، پرسی بەرەنگاربوونەوەی ئێران بەشێکی گرنگی گەشتەکەی بایدنە بۆ ئیسرائیل.
بڕیاره رۆژى چوارشهممه 13ى حوزهیران، جۆو بایدن، سهرۆكى ئهمریكا به سهردانێكى فهرمى بگاته ئۆرشهلیمى پایتهختى ئیسرائیل.
یائیر لاپید، سەرۆکوەزیرانی ئیسرائیل لە وتارێکدا لە دووەم کۆبوونەوەی کابینەی حکومەتدا ئاشكرایكرد كه بایدن سهردانى ئیسرائیل دهكات و وتى: “له كۆبوونهوهكانماندا لهگهڵ سهرۆكى ئهمریكا بابهتى فراوانكردنى ههماههنگییهكانمان لهدژى ئێران تاوتوێدهكهین”.
سهرۆكوهزیرانى ئیسرائیل ئهوهشى خستهڕوو، “دوێنێ دەرکەوت کە ئێران بە پێچەوانەی ئەو رێککەوتنانەی کە واژووی کردوون، خەریکی پیتاندنی یۆرانیۆمە لە سەنتەرفۆجی پێشکەوتوودا.”
یائیر لاپید ئاماژهى بهوهشكرد، “وەڵامی نێودەوڵەتی پێویستە یەکلاکەرەوە بێت، واته گەڕانەوە بۆ ئەنجومەنی ئاسایشی نەتەوە یەکگرتووەکان و چالاککردنی میکانیزمی سزاکان بە تەواوی هێزەوە”.
به وتهى سهرۆكوهزیرانى ئیسرائیل، “حكومهتهكهى بە بێدەنگ راناوەستێت لە کاتێکدا ئێران هەوڵی هێرشکردنە سەریان دەدات ” و وتیشی: ” لەگەڵ سەرۆكى ئەمەریکا و تیمەکەی تاوتوێی فراوانکردنی هاوکارییە ئەمنییەکان دەکەین لە دژی هەموو هەڕەشەکانی ئێران.
