ئه‌و كه‌سه‌ى ته‌قه‌ى له ماڵى حاجى مه‌سیفى كرد ده‌ستگیر كرا
ماڵى حاجى مه‌سیفى پاش ئه‌وه‌ى ته‌قه‌ى لێكرا | فۆتۆ: SNN
SNN
كه‌مێك له‌مه‌وبه‌ر ئاسایشى هه‌ولێر رایگه‌یاند، “ئه‌و كه‌سه‌ى ته‌قه‌ى له ماڵى حاجى مه‌سیفى كرد ده‌ستگیر كرا كه پێشتر شۆفێرى خۆى بووه”.
له راگه‌یه‌نراوێكدا كه ئه‌مڕۆ چوارشه‌ممه بڵاوكراوه‌ته‌وه ئاسایشی هەولێر ئاماژه‌ى به‌وه‌كردووه، “لە رێکەوتی 11ى ته‌مموز، لە شاری هەولێر ، رووداوی تەقەکردن لە ماڵی هاووڵاتی ( حاجی مەسیفی) کرا و دەستبەجێ هێزە ئەمنیەکانی شاری هەولێر هەڵسان بە لێکۆلینەوەو بە دواداچوون بۆ دەستنیشانکردنی تەقەکەرەکان و لە ئەنجامدا توانرا کەسی تەقەکەر دەستنیشان بکەن بە ناوی ( س.ص.ع) کە پێشتر شۆفێری حاجی مەسیفی بوە تاکو ساڵی 2021”.
دەقی راگه‌یه‌نراوه‌كه بەڕێوەبەرایەتیی ئاسایشی هەولێر:
لە رێکەوتی 11ى ته‌مموز، لە شاری هەولێر ، رووداوی تەقەکردن لە ماڵی هاووڵاتی ( حاجی مەسیفی) کرا و دەستبەجێ هێزە ئەمنیەکانی شاری هەولێر هەڵسان بە لێکۆلینەوەو بە دواداچوون بۆ دەستنیشانکردنی تەقەکەرەکان و لە ئەنجامدا توانرا کەسی تەقەکەر دەستنیشان بکەن بە ناوی ( س.ص.ع) کە پێشتر شۆفێری حاجی مەسیفی بوە تاکو سالی 2021. لە هەمان کاتدا هەڵساین بە دەستگیرکردنی شۆفێری ئەو ئۆتۆمبێلەی کە تەقەکردنەکەی پێئەنجامدرابوو بە ناوی( أ. ن. ش.)و دواتریش لەسەر فەرمانی بەرێز دادوەر هەردووکیان لامان بەندکران .
دیارە ئەم روداوە دەگەڕێتەوە بۆ کێشەیەکی کۆمەڵایەتی کە ساڵی 2021 لە نێوان هەردوو لادا روویداوە و هیچ پەیوەندی بە لایەنی رامیاریەوە نییە و ئێمەش لەسەر فەرمانی دادگا و بە پێی یاسا رەفتار لەگەڵ هەردوولایەندا دەکەین.
