له ههولێر دوو چالاكوان دهستگیر كران
ههنووكه | فۆتۆ: SNN
SNN
به تۆمهتى ئهنجامدانى خۆپیشاندان دژى تۆپبارانهكهى توركیا له گوندى پهرخ هێزه ئهمنییهكانى شارى ههولێر دوو چالاكوانیان دهستگیر كرد
بڕیاربوو ئهمڕۆ ههینى 22ى تهمموز، له شارى ههولێر دژى تۆپبارانهكهى توركیا له گوندى پهرخ كه بووه هۆكارى كوشتنى 9 گهشتیارى عهرهب و برینداربوونى 23ى تر خۆپیشاندان ئهنجام بدرێت.
بهپێى زانیارییهكانى SNN، “هێزه ئهمنییهكانى شارى ههولێر بهمهبهستى رێگریكردن له گردبوونهوه و خۆپیشاندان رێكارى ئهمنى تووندیان له پاشنیوهڕۆى ئهمڕۆوه له نزیك پاركى شاندهر گرتووهتهبهر و رێگریان كردووه له گردبوونهوه”.
هاوكات SNN ئهوهشى زانیووه، ” بهمهبهستى رێگریكردن له گردبوونهوهكه دوو چالاكوان بهناوهكانى سابیر فهڕهنسى و هاورێ كوردى لهلایهن هێزه ئهمنییهكانهوه دهستگیر كراون”.
ههر لهو بارهیهوه عهلى حهمهساڵح، پهرلهمانتارى كوردستان و بهشدارى گردبوونهوهكه رایگهیاند، “بهداخهوه رێگهمان نهدرا گردبوونهوه بكهین و سهرجهم رێگاكانى پاركى شاندهر لهلایهن هێزه ئهمنییهكانهوه گیراون”.
وتیشى: “دوو رێكخهرى گردبوونهوهكه لهلایهن هێزه ئهمنییهكانهوه بردراون و چارهنووسیان نادیاره”.
