وادەی پەڵپگرتنی خوێندکارانی پۆلی 12 راگەيەندرا

SNN
وەزارەتی پەروەردەی هەرێم لە راگەيەندراوێکدا وادەی پەڵپگرتنی خوێندکارانی پۆلی 12ی راگەياند و دەلێت “3ی 8 کۆتا رۆژ دەبێت بۆ پەڵپگرتن”.

دەقی راگەيەندراوەکە:

ئاگاداری قوتابیان و خوێندکارانی خۆشەویست دەکەینەوە بۆ پەڵپ گرتن (اعتراض) پڕبکەنەوە ڕەچاوی ئەم خاڵانەی خوارەوە بکەن:
۱- قوتابیان و خوێندکارانی ئازیز دەکەینەوە کە پەڵپ (اعتراض) لە ڕۆژی یەکشەممە رێکەوتی ۳۱ی۷ی۲۰۲۲ دەست پێدەکات وە کۆتا وادە ۳ی۸ی۲۰۲۲ دەبێت تا تەواوبوونی کاتی دەوامی فەرمی.
۲- سەرجەم قوتابخانەکان و خوێندنگاکان ئاگادار دەکەینەوە کە لەماوەی دیاریکراو بۆ پەڵپ گرتن ئامادەبن لە قوتابخانەکان و خوێندنگاکەنیان بۆ پێدان و وەرگرتنەوەی فۆڕمی پەڵپ.
۳- بۆ سەرجەم قوتابیان و خوێندکارانی قۆناغی (ئامادەیی زانستی ، وێژەیی ، پیشەیی ، خوێندنی ئیسلامیی) هەر قوتابی / خوێندکارێک سودمەندبێت لە نمرەی کێرڤ، بۆی هەیە لە کاتی پەڵپگرتندا (اعتراض) داوای هەڵوەشاندنەوەی بکات.