گەنجێكی تەمەن 21 ساڵ كەوتە ژێر تایەی تراكتۆرەکەی و گیانی لەدەستدا

SNN-عەلی حەمە سەعید
دوانیوەرۆی ئەمڕۆ هەینی لە ئەنجامی كەوتنە ژێر تایەی گەورەی تراكتۆرێكەوە گەنجێكی تەمەن 21 ساڵی دانیشتووی ناحییەی سروانی سەر بەپارێزگای هەڵەبجە گیانی لەدەستدا و وتەبێژی پۆلیسی پارێزگای هەڵەبجەش دەلێت دۆسەی لێكۆڵینەوە بۆ ڕووداوەكە كراوەتەوە.

موقەدەم بەرزان عوسمان، وتەبێژی پۆلیسی پارێزگای هەڵەبجە بە SNNی ڕاگەیاند: دوانیوەڕۆی ئەمڕۆ هەینی  گەنجێكی  تەمەن 21ساڵ دانیشتوی ناحیەی سیروانی سەر بەپارێزگای هەلەبجە گەڕەكی ئازادی دەكەوێتە ژێر  تایەی گەورەی  تراكتۆری كشتوكاڵی پاش گەیاندنی بەنەخۆشخانەی فریاكەوتنی  هەڵەبجە گیان لەدەست دەدات .
ئاماژەی بەوەشكرد، ئەو گەنجە تەمەن 21 ساڵە ناوی (ئاكار بەكراحمد)ە و پیشەی شوفیری تراكتۆربووە
وتەبێژەكەی پۆلیسی پارێزگای هەڵەبجە ئەوەشی خستەڕوو، دۆسیەی  لێكۆڵینەوە بۆڕوداوەكە لەبنكەی  پولیسی  سیروان  ڕێكخراوە، تەرمەكەشی ڕەوانەی پزیشكی  دادی هەڵەبجەكراوە.