ئێران لهسهر دۆخى عێراق هاتهدهنگ
ئاڵاى ئێران و عێراق | فۆتۆ: IRNA
SNN
كهمێك لهمهوبهر وهزارهتى دهرهوهى ئێران رایگهیاند، به وردى چاودێرى دۆخى عێراق دهكهین.
ئهمڕۆ سێشهممه 1ى ئاب، ناسر كهنعانى، وتهبێژى وهزارهتى دهرهوهى ئێران لهبارهى دۆخى ناوخۆیی عێراق و خۆپیشاندانهكانهوه رایگهیاند، “ئێمه بهوردى چاودێرى دۆخى عێراق دهكهین، بهڵام ئهوهى له عێراق روودهدات كێشهى نێوخۆیی ئهو وڵاتهیه”.
له بهشێكى ترى لێدوانه رۆژنامهوانییهكهدا وتهبێژى وهزارهتى دهرهوهى ئێران ئهوهشى خستهڕوو، “داوا له هێز و حزبه سیاسییهكان دهكهین بگهڕێنهوه بۆ دهستوور و لهسهر بنهمایی یاسا و بهشێوهیهكى ئاشتیانه كێشهكان چارهسهر بكهن”.
ناسر كهنعانى ئهوهشى خستهڕوو، “عێراق دراوسێی ئێمهیه و گرنگییهكى تایبهتى ههیه بۆ ئێمه لهبهر ئهوه پێداگرین لهسهر ئاشتى و سهقامگیرییهكهى”.
وتهبێژى وهزارهتى دهرهوهى ئێران ئهوهشى روونكردهوه، “رێگهچارهى سهرهكى بۆ چارهسهركردنى كێشهكانى عێراق بریتیه له دهستوور”.
