هادى عامرى داواى كۆبوونهوهى چوارچێوهى ههماههنگى و سهدر دهكات
هادى عامرى، سهرۆكى هاوپهیمانى فهتح | فۆتۆ: Iraqia
SNN
سهرۆكى هاوپهیمانى فهتح رایدهگهیهنێت، ئهگهر چوارچێوهى ههماههنگى و موقتهدا سهدر دهستبه گفتوگۆ نهكهن ئهگهرى ههیه دۆخهكه له كۆنترۆڵ دهربچێت، دهشڵێت: “پێویسته ههمووان به ژیرانه مامهڵه بكهن و نهبنه هۆكارى رشتنى خوێنى عێراقییهكان”.
لهگهڵ بهردهوامى خۆپیشاندان و ناڕهزایهتى لایهنگرانى موقتهدا سهدر لهنێو ئهنجوومهنى نوێنهرانى عێراق بڕیاره ئهمڕۆ سێشهممه یهكى ئاب، لایهنگرانى چوارچێوهى ههماههنگیش دهستبه خۆپیشاندان و ناڕهزایهتى بكهن له ناوچهى سهوز.
هادى عامرى، سهرۆكى هاوپهیمانى فهتح، ئهمڕۆ پهیامێكى ئاراستهى موقتهدا سهدر، رێبهرى رهوتى سهدر له عێراق و سهركردهكانى چوارچێوهى ههماههنگى كرد و رایگهیاند، “وهك دهبینین هێزهكانى عێراق له میدیاكانهوه بهیاننامهى جیاواز دژى یهكدى بڵاودهكهنهوه و داواى گردبوونهوهى جهماوهریی دهكهن، بهڵام ئهم دۆخى ئهگهرى ههیه له كۆنترۆڵ دهبچێت و ببێته هۆكارى دروستبوونى تووندوتیژى رژاندنى خوێنى عێراقییهكان”.
سهرۆكى هاوپهیمانى فهتح له بهشێكى ترى پهیامهكهیدا ئاماژهى بهوهكردووه، “پێویسته موقتهدا سهدر و سهركردهكانى چوارچێوى ههماههنگى لهسهر مێزى گفتوگۆ دابنیشن و ههرچى زووه دهستبه گفتوگۆ بكهن و به لۆژیكى ئهقڵ و پێشخستنى بهرژهوهندییهكانى وڵات و حیكمهتهوه له دۆخهكه بڕوانن”.
لهبهشێكى ترى پهیامهكهيدا هادى عامرى جهختى لهسهر ئهوهشكردووهتهوه، “پاراستنى خوێنى عێراقییهكان له رژان ئهمانهتێكه كه له ئهستۆى ههموواندایه و پێویسته بیپارێزن، چونكه خوێنى عێراقییهكان له ههموو شتێك گرنگتره”.
