رێباز حەملان: ئەوەی ئێستا لە عێراق دەگوزەرێ بەبێ بارزانی چارەسەر نابێت

SNN

رێباز حەملان یاریدەدەری سەرۆکوەزیرانی هەرێم لە پۆستێکيدا نوسيويەتی: بارزانی ئیرادەو خۆڕاگری سیمبولێک لەسەرکەوتن، سیاسەت خەباتە قوربانیدانە تێکۆشانە ئازایەتی و کۆڵنەدانە ئەمانە دروستکەری سەرکردەو بناغەی کەسایەتییەکی وەک سەرۆک مەسعود بارزانی و قوتابییەکانییەتی.

دەشڵێت “ھەمیشە وەفادار بووە بۆ قوربانیان و شکۆمەندی خەباتی رابردوو وە رێزو ھەڵوێستی بۆ یارو نەیار نواندووە”.

باس لەوەشدەکات “ئەوەی ئێستا لە عێراق دەگوزەرێ بە بێ بارزانی چارەسەر نابێ بەھۆی تەجروبەو  دونیا بینی ، ھەموو کاتێک دەسەڵاتدارانی بەغداد توندڕەوەکانیان تا میانڕەواکانیان کۆتاییەکەی دێنەوە دیداری و چاوەڕێی رای کۆتایی لێدەکەن”.

رێباز حەملان وتيشی “ئێستا یەکڕیزی و پێکەوە بوون لە ژێر سەرکردایەتی بارزانی دەمانباتە قۆناغێكی تری سەرکەوتن بۆ کورد و بە ھێزکردنی ھەرێمەکەمان، ئەگەر بەرژەوەندی گەل لە پێش حیزب و شەخسەوە بێت.