شیروان میرزا : خۆپیشاندانەکانی عێراق پشێوی ئابووری بەدوای خۆیاندا دەهێنن
شیروان میرزا، ئهندامى ئهنجوومهنى نوێنهرانى عێراق له فراكسیۆنى سهوز
عەلی حەمەسەعیدSNN
شارەزایەکی بواری ئابووری ئاماژە بەوەدەکات ئەو خۆپیشاندانانەی کە لەعێراق ئەنجام دەدرێن لە داهاتوودا کاریگەری زۆرخراپ بەدوای خۆیاندا دەهێنن پشێوی ئابوورییان لێدەکەوێتەوە، دواجاریش هاووڵاتیان باجەکەی دەدەن.
شیروان میرزا، ئەندامی لیژنەی دارایی خولی پێشووی پەرلەمانی عێراق وشارەزا لەکاروباری ئابووری و دارایی بە SNNی ڕاگەیاند: بێگومان هەرخۆپیشاندانێک لە هەر وڵات و جێگایەک ئەنجام دەدرێت، چەندین لێکەوتەی جیاواز بەدوای خۆیادا دەهێنن، لەهەندێک باردا هاووڵاتیان سودمەند دەبن لەهەندێک باریشدا هەرخودی هاووڵاتیان زیانیان بەردەکەوێت ئەگەر ئەو خۆپیشاندانانە بۆ ماوەیەکی درێژ بەردەوام بن.
ئاماژەی بەوەشکرد، ئەوەی ئێستا لەعێراق دەگوزەرێت لەڕووی ئابورییەوە کاریگەری خراپ بەدوای خۆیدا دەهێنێت چونکە تاڕادەیەک کاروبارەکانی حکومەت ڕاوەستاوە، پرۆژەکان ڕاگیراون و جوڵەی بازاڕیش تاڕادەیەک سست بووە، ئەوەش دواجار باجەکەی خودی هاووڵایان دەیدەن.
ئەو شارەزایەی بواری ئابووری ئەوەشی خستەڕوو، خۆپیشاندان لەهەر جێگایەکی دیکە بکرێت هەمان کاریگەری نەرێنی دەبێت ئەگەر خۆپیشاندانەکە بۆ ماوەیەکی درێژ بەردەوامبێت ئەوا ناجێگیری سیاسیش بە دوای خۆیاندا دێنن و دۆخی وڵات لەڕووی ئابووری و سیاسیەوە دەخاتە دۆخێکی ئاڵۆزو نالەبارەوە.
