ئهڵمانیا 2 ملیۆن دهستى كارى نوێى پێویسته
دوو كرێكارى ئهڵمانى | فۆتۆ: DW
SNN
پهیمانگایهكى توێژینهوهى ئهڵمانى ئاشكرایدهكات، “وڵاتهكهى پێویستى به نزیكهى دوو ملیۆن دهستى كارى نوێ ههیه بۆ پڕكردنهوهى ئهو ههلى كارانهى كه ئێستا لهو وڵاته ههن”.
ئهمڕۆ ههینى 12ى ئاب، پهیمانگاى ئهڵمانی بۆ توێژینهوه و دامهزراندن له بازاڕى كاردا ئهنجامى نوێترین توێژینهوهى خۆى راگهیاند لهبوارى ههلى كار و ئاشكرایكرد، “له چارهگى دووهمى ئهماساڵدا ئهڵمانیا ملیۆنێك و 93 ههزار ههلى كارى نوێ ههبووه، ئهمهش به بهراورد به چارهگى یهكهمى ئهمساڵ بهڕێژهى 11% زیادیكردووه”.
پهیمانگاكه له توێژینهوهكهیدا ئهوهشى خستووهتهڕوو، “ئهگهر زۆربوونى خواست لهسهر ههلى كار له چارهگى دووهمى ئهمساڵدا بهراورد بكرێت به ساڵى رابردوو ئهوه، خواست لهسهر دهستى كارى نوێ بهڕێژهى 66% زیادیكردووه”.
ئهلێكساندهر كوبێیس، پسپۆڕ له پهیمانگاى ئهڵمانى بۆ توێژینهوه لهبارهى ئهو ئاماره نوێیانهى كه بڵاویانكردوونهتهوه دهڵێت: “ههرچهنده مهترسى پاشهكشه له ئابوورى ئهڵمانیادا ههیه، بهڵام ههلى كار و شوێنى بهتاڵ له بۆ پڕكردنهوه له بازاڕى كاردا بهشێوهیهكى بهرچاو زیادیكردووه، بهشێوهیهك دهتوانین بڵێین: بهشێوهیهكى نائاسایی بهرزبووهتهوه”.
ئهو پسپۆڕه مهترسییهكانى بازاڕى كارى وڵاتهكهى ناشارێتهوه و ئهوهش رووندهكاتهوه، “ههرچهنده ههلى كارى زۆر له ئهڵمانیا بوونى ههیه، بهڵام ناكرێت ئهوهشمان لهبیر بچێت كه وهستانى ههناردهى غازى رووسیا بۆ ئهڵمانیا دهكرێت ههمووشێك بگۆڕێت”.
پهیمانگاى ئهڵمانی بۆ توێژینهوه و دامهزراندن له بازاڕى كاردا له ساڵى 1992 دامهزراوه و كارى لهسهر گهشهى بازاڕى ئهڵمانیان و دهستى كار دهكات تێیدا.
