ئه‌مریكا: ئێمه لایه‌نگرى هیچ لایه‌نێك ناكه‌ین له عێراق
نێد پرایس، وته‌بێژى وه‌زاره‌تى ده‌ره‌وه‌ى ئه‌مریكا | فۆتۆ: AFP
SNN
وه‌زاره‌تى ده‌ره‌وه‌ى ئه‌مریكا راگه‌یه‌نراوێكى له‌باره‌ى دۆخى عێراق بڵاوكرده‌وه و رایگه‌یاند، پشتیوانى حكومه‌تێك ده‌كه‌ن كه سه‌روه‌رى گه‌لى عێراق بپارێزێت.
ئه‌مڕۆ چوارشه‌ممه 17ى ئاب، وه‌زاره‌تى ده‌ره‌وه‌ى ئه‌مریكا به‌یاننامه‌یه‌كى له‌باره‌ى دۆخى سیاسى عێراق بڵاوكرده‌وه و رایگه‌یاند، “ئێمه لایه‌ندارى هیچ لایه‌نێك ناكه‌ین له‌ناو عێراق”.
له به‌یاننامه‌كه‌ى وه‌زاره‌تى ده‌ره‌وه‌ى ئه‌مریكادا له‌باره‌ى حكومه‌تى داهاتووى عێراق ئه‌وه‌شخراوه‌ته‌ڕوو، “ئێمه ته‌نیا پشتگیرى حومه‌تێك ده‌كه‌ین كه سه‌روه‌رى ده‌ستوورى عێراق و به‌رژه‌وه‌ندى گه‌له‌كه‌ى له‌به‌رچاو بێت و بیپارێزێت”.
به‌یاننامه‌كه‌ى وه‌زاره‌تى ده‌ره‌وه‌ى ئه‌مریكا له‌كاتێكدایه كه ئه‌مڕۆ سه‌رانى لایه‌نه سیاسییه‌كانى عێراق له كۆشكى حكومه‌تى عێراق كۆبوونه‌وه له ئه‌نجامى ده‌ستپێشخه‌رییه‌كه‌ى مسته‌فا كازمى، سه‌رۆكوه‌زیرانى عێراق به‌مه‌به‌ستى گقتوگۆكردن له‌سه‌ر دۆخى سیاس و رزگاركردنى عێراق له چه‌قبه‌ستوویی سیاسیی.
