ئهمڕۆ ئهنجوومهنى سهركردایهتى یهكێتى كۆدهبێتهوه
لۆگۆى یهكێتیى نیشتمانيى كوردستان | فۆتۆ: SNN
SNN
ئهمڕۆ یهكشهممه 28ى ئاب، ئهنجوومهنى سهركردایهتى یهكێتیی نیشتمانیی كوردستان له شارى سلێمانى كۆدهبێتهوه.
مستەفا چاوڕەش، ئەندامی سەرکردایەتی یەکێتیی نیشتمانیی کوردستان رایگهیاند، “كاتژمێر 11:00ى پێشنیوهڕۆى ئهمڕۆ ئهنجوومهنى سەرکردایەتی یەکێتیی نیشتمانیی کوردستان لەبارەی بارودۆخی ئێستای بەغدا کۆدەبێتەوە”.
بهپێى زانیارییهكانى SNN له كۆبوونهوهكهدا چهند بابهتێك گفتوگۆیان لێوهدهكرێت كه گرنگترینیان بریتین له، “دۆخى ئێستاى عێراق و رۆڵى یهكێتى لهم دۆخهدا، بارودۆخى گوزهرانى هاووڵاتییان و راسپاردهكانى دیدارى یهكێتى كه ئهمساڵ بهڕێوهچوو”.
كۆبوونهوهكهى ئهنجوومهنى سهركردایهتى یەکێتیی نیشتمانیی کوردستان لهكاتێكدایه كه عێراق به دۆخێكى سیاسى ناجێگیردا تێدهپهڕێت، چونكه لهدواى ههڵبژاردنى 10ى تشرینى یهكهمى 2021 رووبهڕووى گرژى و ئاڵۆزى بووهتهوه و تاوهكو ئێستا نهتوانراوه حكومهت پێكبهێنرێت. له ئێستاشدا لایهنگرانى موقتهدا سهدر ئهنجوومهنى نوێنهران و ئهنجوومهنى باڵاى دادوهرى عێراقیان بهتهواوهتى پهكخستووه بههۆى خۆپیشاندانهكانیانهوه.
