وەزارەتی كشتوكاڵ وادەی قەدەغەى هاوردەكردنی خەیار و تەماتەی درێژكردەوە

SNN-عەلی حەمە سەعید
وه‌زاره‌تى كشتوكاڵ و سه‌رچاوه‌كانى ئاوى حكومه‌تى هه‌رێمى كوردستان واده‌ى قه‌ده‌غه‌ى هاورده‌كردنى خه‌یار و ته‌ماته‌ى درێژكردەوە له‌پاش به‌دواداچوونێكى تۆڕى هه‌واڵى سلێمانى له‌و باره‌یه‌وه‌.

له‌ ماوه‌ى چه‌ند رۆژى رابردوودا تۆڕى هه‌واڵى سلێمانى (SNN) به‌دواداچوونێكى كرد له‌باره‌ى، “ناڕه‌زایه‌تى و نیگه‌رانى جوتیارانی سنووری قەزای پێنجوێن و دەوروبەری لە بارەی ئەوەی لەكاتی پێگەیشتنی بەرهەمەكانی جوتیاران دەروازە سنوورییەكان داناخرێن بەوەش زیان بە بەرهەمەكانی ئەوان دەگات”.

ئه‌مڕۆ پێنجشه‌ممه‌ 1ى ئاب، وەزارەتی كشتوكاڵ و سەرچاوەكانی ئاوی حكومەتی هەرێم له‌و باره‌یه‌وه‌ راگه‌یه‌نراوێكى بڵاوكرده‌وه‌ كه‌ له‌ به‌شێكیدا هاتووه‌، “بڕیاری قەدەغەی هاورده‌كردنى هەردوو بەرهەمی خەیار و تەماتە لە سەرجەم خاڵە سنوورییەكانی هەرێمی كوردستان بۆ كاتێكی نادیار درێژدەكرێتەوە”.

له‌ نووسراوه‌كه‌دا ئاماژه‌ به‌وه‌شكراوه‌، “وەزارەتی كشتوكاڵی هەرێم بڕیاریداوە باجی دارایی لەسەر بەرهەمی (قۆخ)ی هاوردە لە رێكەوتی دەرچوونی نووسراوەكەیان لە بەرواری 31ی مانگی ئابەوە هەڵبگرێت. هاوكات بڕیاری قەدەغەكردنی هاوردەكردنی بەرهەمی قۆخ و درێژكردنەوەی بڕیاری قەدەغەكردنی هاوردەی تەماتە و خەیار لە بەرژەوەندی جوتیارانی ناوخۆییە”.