له گهڕهكى شێخان له شارى سلێمانى تهقینهوهیهك روویدا
ههنووكه | فۆتۆ: SNN
SNN
بهیانى ئهمڕۆ شهممه 3ى ئاب، له گهڕهكى شێخان له شارى سلێمانى لهڕێگهى بۆمبێكى لكێنراوهوه ههوڵى كوشتنى ئهندامێكى بهرهى توركمانى درا.
محهمهد سهلامى، پهیامنێرى SNN له سلێمانى رایگهیاند، “له گهڕهكى شێخان له شارى سلێمانى لهڕێگهى بۆمبێكى لكێنراوهوه ههوڵى كوشتنى نهجمهدین عهلى، ئهندامى بهرهى توركمانى دراوه له ماڵهكهى خۆیدا و بهو هۆیهوه بریندار بووه”.
وتیشى: “رووداوهكه بهشێوهیهك بووه كه كاتژمێر 10:00ى بهیانى ئهمڕۆ خاوهن ماڵهكه له حهوشهى ماڵهكهیدا ویستوویهتى بچێته دهرهوه، كه ئۆتۆمبێلهكهى پێكردووه راستهوخۆ بۆمبه لكێنراوهكه تهقیوهتهوه و بهپێى زانیارییه سهرهتاییهكان دهست و قاچ و سهرى برینداره، بهڵام برینهكانى سهخت نین”.
پهیامنێرى SNN لهبارهى تهندروستى خێزانى نهجمهدین عهلى ئهوهشى ئاشكرا كرد، “خێزان و منداڵهكانى ئهو كهسهى كراوهته ئامانج سهلامهتن و تهنیا خۆى بریندار بووه و ماڵهكهى زیانى پێگهیشتووه”.
