ئهردۆغان بۆ وڵاتانى ئهوروپا: ئهوهى چاندووتانه دهیدورنهوه
رهجهب ئهردۆغان، سهرۆككۆمارى توركیا | فۆتۆ: Hindustan News Hub
SNN
سهرۆككۆمارى توركیا پهیامێك ئاراستهى وڵاتانى ئهوروپا دهكات و دهڵێت: “ئهوهى چاندووتانه ئهوه دهدورنهوه”، راشیدهگهیهنێت، “دۆخى ئێستاى ئهوروپا ههڵهى پوتین نییه”.
ئهمڕۆ سێشهممه 6ى ئهیلول، ڕهجهب تهیب ئهردۆغان، سهرۆككۆمارى توركیا پێش سهردانهكهى بۆ وڵاتانى باڵكان لهبهردهم میدیاكان وتهیهكى پێشكهشكرد و باسى دۆخى ئهوروپاى كرد و وتى: “وڵاتانى ئهوروپا ئهوهى چاندوویانه دهیدورنهوه، چونكه ئهوان سزایان سهپاند بهسهر رووسیادا و ئێستا رووسیا وهڵامیان دهداتهوه”.
وتیشى: “ههڵوێستهكانى ئهوروپا بهرامبهر پوتین وایانكرد بڵێت: ئهگهر تۆ ئهمه بهرامبهر من بكهین منیش ئهو كاره بهرمبهر تۆ دهكهم”.
به وتهى سهرۆككۆمارى توركیا، “ئێستا ئهوروپا و رووسیا ههموو چهكهكان بهرامبهر یهكترى بهكاردههێنن كه غازى سروشتى یهكێكیانه”.
قسهكانى ئهردۆغان لهكاتێكدایه كه رۆژى دووشهممهى ئهم ههفتهیه دیمیتری پێسکۆڤ، وتهبێژى كۆشكى كریملن له كۆنگرهیهكى رۆژنامهوانیدا رایگهیاند، “ئهو سزایانهى كه بهسهر ئێمهدا سهپێنراون هۆكارن بۆ ئهوهى ئێمهش ههناردهى غازى سروشتى بۆ ئهڵمانیا رابگرین لهڕێگهى نۆرد ستریمهوه”.
هاوكات ههر دوێنێ ئۆلاف شۆڵدز، راوێژكارى ئهڵمانیا لهبهردهم میدیاكان لهدواى كۆبوونهوهى لهگهڵ ئیمانوێل ماكرۆن، سهرۆككۆمارى فهڕهنسا رایگهیاند، “ئێمه پلانى ئهوهمان ههیه كه بهتهواوهتى واز له غازى رووسیا بهێنین و بۆ ئهمهش به دڵنیاییهوه رووبهڕووى ئاڵنگارى زۆر دهبینهوه”.
