له یهك كاتژمێردا 32 فڕۆكهى ئێرانى له فڕۆكهخانهى نهجهف نیشتوونهتهوه
دوو فڕۆكه له یهكێك له فڕۆكهخانهكان له عێراق | فۆتۆ: wikiwand
SNN
بهڕێوهبهرى فڕۆكهخانهى نێودهوڵهتى نهجهف رایدهگهیهنێت، له یهك كاتژمێردا 32 فڕۆكهى ئێرانى له فڕۆكهخانهى نهجهف نیشتوونهتهوه، دهشڵێت: “هاتنى گهشتیار ژمارهی پێوانهیی نوێى تۆمار كردووه.
حیكمهت ئهحمهد، بهڕێوهبهرى فڕۆكهخانهى نێودهوڵهتى نهجهف ئهمڕۆ چوارشهممه به میدیاكانى عێراقى راگهیاند، “تهنیا لهماوهى یهك كاتژمێردا بهیانى ئهمڕۆ 32 فڕۆكهى ئێرانى له فڕۆكهخانهى نهجهف نیشتوونهتهوه كه سهرجهمیان گهشتیاریان پێبووه”.
وتیشى: “له ماوهى ههر خولهك و 53 چركهیهكدا فڕۆكهیهك نیشتووهتهوه له فڕۆكهخانهكهى ئێمه، ئهمهش گهورهترین رێژهى هاتنى گهشتیار و نیشتنهوهى فڕۆكهیه كه لهمێژووى فڕۆكهخانهى نهجهفدا تۆمار كرابێت”.
وتهكانى بهڕێوهبهرى فڕۆكهخانهى نێودهوڵهتى نهجهف لهكاتێكدایه كه سهدان ههزار گهشتیار له دهروازه زهمینیهكانیشهوه دێنه عێراق بهشێوهیهك تهنیا ئهمڕۆ چاوهڕواندهكرێت له مهرزى باشماخهوه، “7 ههزار گهشتیار بێنه عێراق”.
گهشتیارانى ئێرانى بهمهبهستى بهشداریكردن له مهراسیمهكانى چلهى ئیمام حسێن، ئیمامى چوارهمى شیعهكان دێنه عێراق و له نهجهف و كهربهلا سروته ئاینییهكانیان ئهنجام دهدهن.
