“ده‌میرتاش ده‌ڵێت: پێویسته په‌كه‌كه چه‌ك دابنێت”
زنار کاراڤیل، راوێژکاری ده‌میرتاش | فۆتۆ: Twitter
SNN
سه‌ڵاحه‌دین ده‌میرتاش رایده‌گه‌یه‌نێت، پێویسته گفتوگۆكان له‌گه‌ڵ عه‌بدوڵا ئۆجه‌لان، رێبه‌رى ده‌ستگیر كراوى پارتى كرێكارانى كوردستان ده‌ستپێبكرێن و په‌كه‌كه‌ش چه‌ك دابنێت.
ئه‌مڕۆ چوارشه‌ممه 7ى ئه‌یلول، زنار کاراڤیل، راوێژکاری سه‌ڵاحه‌دین ده‌میرتاش، سه‌ركرده‌ى زیندانیكراوى كورد له توركیا له هه‌ژمارى تایبه‌تى خۆى له تۆڕى كۆمه‌ڵایه‌تى تویته‌ر باسى كۆتا دیدارى خۆى و ئه‌و سه‌ركرده‌یه‌ى كوردى كرد و وتى: “سه‌لاحه‌دین ده‌میرتاش پێیوایه، کێشەکان بە چەک و توندوتیژی چارەسەر ناکرێن، پێویستە پەکەکە چەک دابنێت”.
له به‌شێكى ترى په‌یامه‌كه‌یدا زنار کاراڤیل ئه‌وه‌شى روونكردووه‌ته‌وه، “ده‌میرتاش پێیوایه، گرنگە گفتوگۆ لەگەڵ عەبدوڵڵا ئۆجەلان دەستپێبکرێت”.
1- Demirtaş bugün duruşmada bir saati aşkın süre savunma yaptı. Sorunların silahla, şiddetle çözülemeyeceğini, PKK'nin silahları bırakması gerektiğini, bunun için de Öcalan ile görüşülmesi gerektiğinin doğru olacağını belirtti.
— Zınar Karavil (@ZinarKaravil) September 6, 2022
